ء«ۇش ەر ادام پاتەردە بىرگە دەمالىپ, سپيرتتىك ىشىمدىك ىشكەن. سول كەزدە ولاردىڭ اراسىندا جانجال تۋىنداپ, ەر ادامداردىڭ ءبىرى ەكى دوسىن, سونىڭ ىشىندە پاتەر يەسىن ولتىرگەن. قىلمىس جاساعاننان كەيىن ول ەسىكتى ىشىنەن ق ۇلىپتاپ, وقيعا ورنىنان قاشىپ كەتكەن», دەلىنگەن ماتەريالدا.
مارقۇمداردىڭ دەنەسى پاتەردە ءبىر اپتا بويى بولعان. كورشىلەردىڭ كۇدىگى تۋىنداپ, ولار پوليتسياعا حابارلاسقان. وقيعا ورنىنا كەلگەن ميحايلوۆ اۋداندىق پوليتسيا ءبولىمى قىزمەتكەرلەرى ەسىكتى بۇزىپ اشىپ, زورلىقپەن ولتىرىلگەن ەكى ادامنىڭ دەنەسىن تاپقان.
«تەرگەۋ بارىسىندا پوليتسەيلەر ءۇشىنشى ادامنىڭ كىم ەكەنىن انىقتاپ, ونى پوتانين كوشەسىندەگى ۇيىنەن تاپقان. الايدا, ولار كەلگەن كەزدە كۇدىكتى ۇيىندە ءولى كۇيىندە بولعان. الدىن الا مالىمەت بويىنشا, ەر ادام ساپاسىز الكوگولدەن ۋلانعان. قۇقىق قورعاۋ ورگاندارىنىڭ حابارلاۋىنشا, ەكى ادامنىڭ ولىمىنە بايلانىستى قىلمىستىق ءىس كۇدىكتىنىڭ قايتىس بولۋىنا بايلانىستى توقتاتىلادى», دەپ جازىلعان ماتەريالدا.
