قاسىم-جومارت توقاەۆ تاياۋدا Nebras Power كومپانياسى مەن «سامۇرىق-ەنەرگو» اكتسيونەرلىك قوعامىنىڭ اراسىندا سەمەي گەس-ءىنىڭ قۇرىلىسىنا قاتىستى كەلىسىمگە قول قويىلعانىن قۇپتادى. ستانتسيانىڭ قۋاتتىلىعى 300 مەگاۆاتت بولادى. پرەزيدەنت بۇل جوبانىڭ استانا مەن دوحانىڭ ۇزاقمەرزىمدى ستراتەگيالىق سەرىكتەستىگىن نىعايتۋداعى ءرولىن جوعارى باعالادى. اتالعان باستامانى تابىستى جۇزەگە اسىرۋ ءۇشىن قازاقستان ۇكىمەتىنىڭ جان-جاقتى قولداۋ كورسەتەتىنىن راستادى.
مەملەكەت باسشىسىنىڭ ايتۋىنشا, ەلىمىز 2030 جىلعا قاراي ەنەرگيا بالانسىنداعى جاڭارتىلاتىن قۋات كوزدەرىنىڭ ۇلەسىن 15 پايىزعا دەيىن ارتتىرۋعا نيەتتى.
مۇحاممەد ناسسەر ءال-حادجري قاسىم-جومارت توقاەۆقا بىرلەسكەن جوبانى ىسكە اسىرۋدىڭ نەگىزگى كەزەڭدەرى جونىندە مالىمەت بەرىپ, «جاسىل» ەنەرگەتيكا سالاسىنداعى قازاقستاننىڭ الەۋەتى زور ەكەنىن ايتتى.
