فوتو: ۆيدەوسكرين
«استانالىق ەمحانالاردا Face ID جۇيەسى ەنگىزىلە باستادى. ەندى دارىگەردىڭ قابىلداۋىنا كىرگەن ءاربىر ازامات وسىنداي كامەرالار ارقىلى تىركەۋدەن ءوتۋى ءتيىس. جۇيە ناۋقاستىڭ فوتوسىن ادىلەت مينيسترلىگى بازاسىمەن سايكەستەندىرگەننەن كەيىن عانا وعان مەديتسينالىق قىزمەت كورسەتىلەدى. وسىلايشا جالعان مەديتسينالىق جازبالاردىڭ جولى كەسىلەدى», دەيدى ماماندار.
بۇگىندە 63 مەديتسينالىق مەكەمە پيلوتتىق جوبانى قولداعان. بىراق كەيبىر ناۋقاستار جاڭاشىلدىقتى بىردەن قابىلداي قويعان جوق. ولار بەينەكامەرالار دىبىستى دا جازادى دەپ الاڭداۋشىلىق بىلدىرگەن. ال رەسپۋبليكالىق مەديتسينالىق-سانيتاريالىق العاشقى كومەك ورتالىعىنىڭ پروفيلاكتيكالىق ءبولىم مەڭگەرۋشىسى جانسايا قاليلاەۆا ايتۋىنشا ەشقانداي جازبا جۇرگىزىلمەيدى.
«100% قاۋىپسىزدىك بار. بەينەجازبا جۇرگىزىلمەيدى. ءبىز تسيفرلىق سۋرەتكە عانا تۇسىرەمىز ءبىر رەت. ول ساقتالمايدى. ول ەگوۆ بازاسىنداعى كۋالىكپەن سالىستىرمالى تۇردە وتەدى دە, اۆتوماتتى تۇردە قابىلدانادى. بۇل مۇلدەم ساقتالمايدى. ناۋقاسقا تۇسىندىرەمىز, كورسەتەمىز. اۋەل باستا كورسەتىپ جۇردىك. قازىر ۇيرەنىسىپ كەتتى. ونداي سۇراقتار جوق», دەيدى جانسايا قاليلاەۆا.
ەگەر ناۋقاس فوتوعا تۇسۋدەن باس تارتسا, جەكە باس دەرەگىن راستاۋ ءۇشىن باسقا دا تاسىلدەر بار. - eGov mobile قوسىمشاسىنا نەمەسە كاسپي قوسىمشاسىنا كىرىپ, 6 تاڭبالى كود بار, سونى ايتادى.
حابار اگەنتىگىنىڭ اقپاراتىنشا جاڭا جۇيەنى كەلەر جىلى بارلىق ايماقتا ىسكە قوسۋ جوسپارلانىپ وتىر.
