فوتو: gov.kz
كەلەسى جىلى الماتىداعى مەكتەپ اۆتوبۋستارىنىڭ سانى 300-گە جەتەدى. بۇل تۋرالى 2025-2027 جىلدارعا ارنالعان بيۋدجەتتىك جوبانى الماتى ءماسليحاتىنىڭ الداعى سەسسياسىندا قاراۋ جوسپارلاندى.
جوبانىڭ ەكىنشى كەزەڭى اياسىندا بيىل وقۋشىلاردى تاسىمالداۋعا قوسىمشا 100 اۆتوبۋس ساتىپ الىندى. وسىلايشا, قازىر 51 مەكتەپتىڭ 9 مىڭنان استام وقۋشىسىن تاسىمالدايتىن 200 اۆتوبۋس جۇمىس ىستەپ تۇر. كەلەسى جىلى جوبانىڭ جالعاسى رەتىندە تاعى 100 اۆتوبۋس ساتىپ الۋ جوسپارلانعان.
اۆتوبۋستار الىستاعى جانە قيىن قولجەتىمدى اۋدانداردا تۇراتىن بالالار وقيتىن مەكتەپتەردەن كەلىپ تۇسكەن وتىنىمدەرگە سايكەس مارشرۋتتارعا شىعادى. بۇل مەكتەپ اۆتوبۋستارىن ءبولۋ كەزىندەگى باسىمدىقتاردىڭ ءبىرى بولىپ تابىلادى. ءار مەكتەپ ءۇشىن وقۋشىلاردى تاسىمالداۋدى قامتاماسىز ەتۋ ماقساتىندا ەگجەي-تەگجەيلى مارشرۋتتىق پاراقتار ازىرلەندى.
