فوتو: ۆيدەوسكرين
«جەرلەسىمىز ابۋ-دابي قالاسىندا دجيۋ-دجيتسۋدان وتكەن الەم بىرىنشىلىگىندە 11:0 ەسەبىمەن تازا جەڭىسكە جەتتى. جاستايىنان وسىنداي جوعارى جەتىستىكتەرگە جەتۋ – تاباندى ەڭبەكتىڭ ناتيجەسى. جاس سپورتشىنى ءوزىنىڭ اكەسى, Sam Team كلۋبىنىڭ نەگىزىن قالاۋشى سامات قۇناەۆ جاتتىقتىرادى», دەپ جازدى اسايىن بايحانوۆ Instagram-داعى جەكە پاراقشاسىندا.
ءوڭىر اكىمىنىڭ جازۋىنشا, اكەسىنىڭ سپورتپەن شۇعىلدانۋىنا ومىرتقا اۋرۋى سەبەپ بولعان جانە تاباندى جاتتىعۋلار ارقىلى دەنساۋلىعىن قالپىنا كەلتىرگەن. اكەنىڭ ۇلگىسى بالالارىن شابىتتاندىرىپ, بۇگىندە ولاردىڭ بارلىعى سپورت شەبەرلەرى اتانعان.
