فوتو: kz.kursiv.media
ۆەدومستو مالىمەتىنشە, اكىمدىكتەر اعىمداعى جانە ورتاشا جوندەۋ بويىنشا سمەتاعا جوبا سوماسىنىڭ 2% مولشەرىندە كۇتپەگەن شىعىستاردى ەنگىزگەن. بۇل رەتتە زاڭنامادا مۇنداي شىعىندار كوزدەلمەگەن. ناتيجەسىندە جولداردى جوندەۋ قۇنى 840 ملن تەڭگەگە وسكەن.
سونىمەن قاتار سمەتانى قالىپتاستىرۋ كەزىندە سمەتالىق پايدانى ەسەپتەۋ بويىنشا ەنگىزىلگەن وزگەرىستەر ەسكەرىلمەگەن.
«جوبالاردىڭ قىمباتتاۋىنا اكەلگەن 8%-دىق ەسكى نورماتيۆ قولدانىلعان (جاڭا 5%). مونيتورينگ كورسەتكەندەي, مەردىگەر ورىنداعان جۇمىستاردىڭ ساپاسىن باقىلاۋ جولداردىڭ كەيبىر ۋچاسكەلەرىندە عانا جۇرگىزىلگەن. اكىمدىكتەر زەرتحانالىق زەرتتەۋلەردەن قانداي جولدار وتەتىنىن وزدەرى تاڭداعان. ناتيجەسىندە جىل سايىن جوندەلەتىن ۋچاسكەلەردىڭ 20% -30% ۇلتتىق جول اكتيۆتەرى ساپاسى ورتالىعىنىڭ فيليالى تەكسەرمەگەن. مىسالى مەڭدىقارا اۋدانىندا «بوروۆسكايا-ۇزىناعاش» جولىنىڭ 3 شاقىرىمىندا عانا سىناق جۇرگىزىلگەن, ونىڭ ۇزىندىعى – 28 شاقىرىم», دەلىنگەن حابارلامادا.
تالداۋ قورىتىندىسى بويىنشا قوستاناي وبلىسىنىڭ اكىمدىگى شارتتاردىڭ تالاپتارىن قايتا قاراپ, كۇتپەگەن شىعىستار الىنىپ تاستالعان. سونداي-اق مەردىگەر ۇيىمدار 32 ملن تەڭگە كولەمىندە نەگىزسىز الىنعان قاراجاتتى وتەگەن. 2025 جىلى جوندەلەتىن جولداردى ساراپتامامەن تولىق قامتۋ جوسپارلانعان.
