فوتو: Petro_council
«ماڭعىستاۋمۇنايگاز» اق-نىڭ جوعارى بۋىن جانە بولىمشەلەر باسشىلارىن ءار ءۇش جىل سايىن روتاتسيالاۋ قاراستىرىلعان.
«2024 جىلى 2 جەلتوقساندا كەزەكتىلىك نەگىزىندە «ماڭعىستاۋمۇنايگاز» اق ديرەكتورلار كەڭەسىنىڭ شەشىمىمەن ۆەن تسزياتسزيۋن ممگ باس ديرەكتورى بولىپ تاعايىندالدى», دەلىنگەن حابارلامادا.
تسزياتسزيۋن 1978 جىلى 19 قىركۇيەكتە قىتايدا دۇنيەگە كەلگەن. گەولوگيا جانە پايدالى قازبالاردى بارلاۋ سالاسىندا تەحنيكا جانە تەحنولوگيا ماگيسترى دارەجەسىن الىپ, ي.م. گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىن بىتىرگەن.
ونىڭ ەڭبەك جولى 2005 جىلى CNDOC كومپانياسىندا باستالدى. 2005-2024 جىلدار ارالىعىندا «SNPS – اي دان مۇناي» اق-دا جەتەكشى سۋپەرۆايزەردەن كومپانيانىڭ پرەزيدەنتى قىزمەتىنە اۋىستى. 2024 جىلدىڭ مامىر ايىنان جەلتوقسان ايىنا دەيىن «ماڭعىستاۋمۇنايگاز» اق باس ديرەكتورىنىڭ ءبىرىنشى ورىنباسارى قىزمەتىن اتقاردى.
كومپانيا مالىمەتىنشە, بولات سەيىتماعانبەتوۆ «ماڭعىستاۋمۇنايگاز» اق باس ديرەكتورىنىڭ ءبىرىنشى ورىنباسارى بولىپ تاعايىندالدى.
بولات سەيىتماعانبەتوۆ 1971 جىلى 12 اقپاندا ماڭعىستاۋ وبلىسىندا دۇنيەگە كەلگەن. قازاق پوليتەحنيكالىق ينستيتۋتىن جانە الماتى مەنەدجمەنت ۋنيۆەرسيتەتىن ءبىتىرىپ, ىسكەرلىك باسقارۋ ماگيسترى دارەجەسىن الدى.
بولات سەيىتماعانبەتوۆ 1993 جىلى ەڭبەك جولىن «قالامقاسمۇنايگاز» كاسىپورنىندا وپەراتورلىق قىزمەتتەن باستاپ, قىزمەتتە تسەح پەن وندىرىستىك بولىمشەنىڭ باسشىسىنا دەيىن كوتەرىلدى. 2022 جىلدىڭ اقپانىنان 2024 جىلدىڭ جەلتوقسانىنا دەيىن «ماڭعىستاۋمۇنايگاز» اق «جەتىبايمۇنايگاز» وندىرىستىك باسقارماسىنىڭ باستىعى قىزمەتىن اتقاردى.
ايتا كەتەيىك, بۇعان دەيىن مۇرات مۇستافاەۆ «ماڭعىستاۋمۇنايگازدىڭ» باس ديرەكتورى قىزمەتىن اتقارىپ كەلدى.
