فوتو: اشىق دەرەككوز
جوعارعى سوتتىڭ مالىمەتىنشە, 2005 جىلدىڭ جەلتوقسان ايىندا اتىراۋ قالاسىنىڭ تۇرعىنى اكىمدىكتەن جەر تەلىمىن بەرۋگە كەزەككە تۇرعان. 2011 جىلدىڭ قاراشاسىندا ول قايتىس بولعان. 2012 جىلدىڭ ءساۋىر ايىندا جەسىر ايەل اكىمدىككە جەر ۋچاسكەسىنە كەزەكتى ءوز اتىنا قايتا راسىمدەۋ تۋرالى وتىنىشپەن جۇگىنگەن. كەيىن ول جەر كوميسسياسىنىڭ قاراۋىنا بىرقاتار ءتيىستى قۇجاتتاردى ۇسىنۋ قاجەتتىگى تۋرالى جەر قاتىناستارى ءبولىمىنىڭ ء(بولىم) تالاپتارىن تولىق ورىنداعان.
«2015 جىلدىڭ مامىر ايىندا ءبولىم جەسىر ايەلگە 2005 جىلدىڭ جەلتوقسان ايىنان بەرى جەر ۋچاسكەسىنە كەزەكتە تۇرعانى تۋرالى انىقتاما بەرگەن. مۇنى EGOV جانە Eگكن اقپاراتتارى راستايدى. الايدا, 2023 جىلدىڭ ماۋسىم ايىندا 43 جاستاعى جەسىر ايەلگە ونىڭ كەزەكتەن شىعارىلعانى حابارلانعان. كەيىن ول داۋدى سوتقا دەيىن رەتتەۋ تۋرالى ءوتىنىش بەرگەن بولىمنەن باس تارتۋدى العان. اتىراۋ وبلىسىنىڭ ءمااس-ى ءىستى قاراي وتىرىپ, سوتتىڭ سەنىم قۇقىعىن قورعاۋ قاعيداسىن (ارپك-ءنىڭ 13-بابىنىڭ 1-بولىگى) جانە ادىلەتتىلىك قاعيداتىن قولدانۋىن اتاپ ءوتتى», دەلىنگەن حابارلامادا.
تالاپ قويۋشى 2023 جىلعا دەيىن كەزەكتە تۇرعان, ءبولىمنىڭ بارلىق تالاپتارىن ادال ورىنداعان, ال رەسمي اقپارات كوزدەرىنە سايكەس 2005-2023 جىلدار ارالىعىندا كەزەكتە تۇرعان. وسىنى ەسكەرە وتىرىپ, سوت ءبولىمنىڭ كەزەكتى قالپىنا كەلتىرۋدەن باس تارتۋىن زاڭسىز دەپ تانىپ, بولىمگە تالاپ قويۋشىنىڭ كەزەگىن قالپىنا كەلتىرۋگە مىندەتتەگەن.
سوت شەشىمىنە شاعىمدانبادى جانە زاڭدى كۇشىنە ەندى. قازىرگى ۋاقىتتا ورىنداۋ ساتىسىندا.
