فوتو: kz.kursiv.media
ءمينيستردىڭ سوزىنشە, سيرەك كەزدەسەتىن مەتالدار سالاسىن دامىتۋعا باعىتتالعان جەر قويناۋىن مەملەكەتتىك گەولوگيالىق زەرتتەۋ اياسىندا 12 ۋچاسكەدە ىزدەۋ جۇمىستارى جالعاسۋدا.
جەردە سيرەك كەزدەسەتىن مەتالداردى بارلاۋ ءىسىن Cove Capital جانە HMS Bergbau سياقتى جەكە كومپانيالار جۇرگىزەدى.
«بۇگىنگى تاڭدا جەردە سيرەك كەزدەسەتىن مەتالدار قورى شامامەن 800 مىڭ تونناعا باعالاناتىن كۇيرەكتىكول ۋچاسكەسىنىڭ بولاشاعى تۋرالى دەرەكتەر بار», دەدى قانات شارلاپاەۆ.
قازاقستاندا بارلانعان التىن قورى ونى ءوندىرۋ كولەمىنەن اساتىنى دا بەلگىلى بولدى. كەيىنگى 30 جىلدا رەسپۋبليكامىزدا تەمىر, مارگانەتس, التىن, ۋران, مۇناي جانە گاز قورلارىنىڭ كوبەيۋى بايقالعان.
«التىننىڭ ورنىن تولتىرۋ كوەففيتسيەنتى – 1,2. بۇل التىننىڭ بارلانعان قورىنىڭ كولەمى التىن ءوندىرۋدىڭ كولەمىنەن كوپ ەكەنىن كورسەتەدى. مىس بويىنشا كوەففيتسيەنت – 0,7. بۇل رەتتە جەر قويناۋىن پايدالانۋشىلارىمەن مىس بويىنشا پەرسپەكتيۆالى جەر قويناۋى ۋچاسكەلەرى بەلسەندى تۇردە بارلانىپ جاتىر», دەدى قانات شارلاپاەۆ.
