سىرتقى ىستەر مينيسترلەرى قىتايدا كەزدەستى

ءىس-شارا سەرىكتەستىكتى نىعايتۋ, وڭىرلىك جانە حالىقارالىق ما­ڭىزى بار نەگىزگى ماسەلەلەردى تال­قى­لاۋ ءۇشىن ماڭىزدى الاڭ بول­دى. كەزدەسۋدە تاراپتار سايا­سي ديالوگتى تەرەڭدەتۋگە, ەكو­نو­­ميكالىق بايلانىستاردى دامى­تۋعا جانە ما­دەني-گۋما­ني­تار­لىق الماسۋلاردى نىعايتۋ­عا ءوز مىندەتتەمەلەرىن راستا­دى. مي­نيسترلەر ء«وڭىر­دىڭ تۇراق­تى­لىعى, قاۋىپسىزدىگى جانە ور­نىقتى دامۋى» تۇجىرىمداماسى اياسىن­دا بىرلەسكەن جۇمىستى جال­عاستىرۋدىڭ ماڭىزىن اتاپ ءوتتى.

نەگىزگى تاقىرىپتار ەكونو­ميكالىق ىنتىماقتاستىق, ايماق­­تاعى قاۋىپسىزدىك ماسەلە­لەر, كو­لىك-لوگيستيكالىق ىنتى­ماق­تاس­تىق, كليمات جانە ەكولوگيا, سونداي-اق مادەني-گۋماني­تارلىق بايلانىستاردى كەڭەيتۋ بولدى. وتىرىسقا قاتىسۋشىلار بىرلەسكەن ينفراقۇرىلىمدىق جوبالاردى ىسكە اسىرۋ, ساۋدا راسىمدەرىن وڭايلاتۋ جانە ء«بىر بەلدەۋ, ءبىر جول» باستاماسى اياسىندا ينۆەستيتسيالاردى ىن­تالاندىرۋ قاجەتتىگىن اتاپ ءوت­تى. مينيستر­لەر تەرروريزم­گە, ەكسترەميزمگە جانە ترانسۇلت­تىق قىلمىسقا قار­سى شارالاردى كۇشەيتۋدى, سون­داي-اق كيبەر­قاۋىپ­سىزدىك سالاسىن­داعى كۇش-جىگەردى ۇيلەستىرۋدى تالقىلادى.

كەزدەسۋ بارىسىندا سۋ رەسۋرس­تارىن, جاڭارتىلاتىن ەنەر­گەتيكانى جانە قورشاعان ورتانى قورعاۋدى قوسا العاندا, ەكو­لو­گيالىق تۇراقتىلىق سالا­سىن­داعى ىنتىماقتاستىقتى ارت­تىرۋ ۋاعدالاستىعىنا قول جەت­كىزىلدى. سونداي-اق حالىقتار ارا­سىنداعى ءوزارا تۇسىنىستىكتى نى­عايتۋ ءۇشىن ءبىلىم, تۋريزم جانە مادەنيەت سالاسىنداعى الماسۋ باعدارلامالارىن تەرەڭدەتۋ تۋرالى شەشىم قابىلداندى.

م.نۇرتىلەۋ تاراپتارعا سىندارلى ديالوگ جانە ورتالىق ازيا ەلدەرى مەن قىتاي اراسىن­داعى ءوزارا ءىس-قيمىلدى ودان ءارى دامىتۋ ءۇشىن جاڭا ۆەكتورلاردى تالقىلاۋ مۇمكىندىگى ءۇشىن العىسىن ءبىلدىردى.

«قازاقستان بۇل فورماتتى ءبىز­­­دىڭ ورتاق بولاشاعىمىزدى نى­­عاي­­تۋدىڭ ماڭىزدى پلاتفورماسى رە­تىندە قاراستىرادى. ءبىز ەكو­نو­ميكا, قاۋىپسىزدىك جانە ەكولو­گيا سالاسىنداعى ىنتىماقتاس­تىق­تى تەرەڭدەتۋ بۇكىل وڭىردە تۇراق­تىلىق پەن وركەندەۋگە قول جەت­كى­زۋگە مۇمكىندىك بەرەتى­نىنە سەنىم­دىمىز», دەپ مالىمدەدى مينيستر.

قحر سىرتقى ىستەر ءمينيسترى ۆان ي ورتالىق ازيا قىتايدىڭ تۇراق­تىلىق پەن وركەندەۋدى ىلگەرى­لەتۋدەگى باستى سەرىكتەسى بولىپ قالا بەرەتىنىن اتاپ ءوتتى.

ء«بىزدىڭ فورمات ستراتەگيا­لىق باسىمدىقتاردى ۇيلەستىرۋ جانە ءوزارا ءتيىمدى جوبالاردى ىل­گەرى­لەتۋ ءۇشىن ماڭىزدى الاڭ رە­تىندە قىزمەت ەتەدى», دەدى قىتاي ءمينيسترى.

كەزدەسۋگە قاتىسۋشىلار 2025 جىلى قازاقستاندا وتەتىن «ورتا­لىق ازيا – قىتاي» فور­ماتىنداعى II سامميتكە دايىن­دىقتىڭ نەگىزگى اسپەكتىلەرىن تالقى­لادى. ورتالىق ازيا ەل­دەرىنىڭ وكىلدەرى كەزدەسۋ­دى وتكىزۋ باس­تاماسى ءۇشىن العىس ءبىلدىرىپ, بىر­لەسكەن ماقساتتاردى ىسكە اسىرۋ ءۇشىن وسى فورماتتى جالعاستىرۋ قاجەتتىگىن اتاپ ءوتتى.

سونىمەن قاتار «تيانفۋ-سىچۋان» ترانسشەكارالىق ما­گيست­رالى ارقىلى 5 مىڭىنشى جۇك كولى­گىنىڭ جونەلتۋ مەن ورتا­لىق ازياعا 500-ءىنشى پويىز جىبەرۋ ءراسىمى ءوتتى.

سوڭىندا تاراپتار 2025 جىلى «ور­تالىق ازيا – قىتاي» فور­­ما­تىنداعى كەلەسى كەزدەسۋدى قازاقستاندا سامميت قارساڭىندا وتكىزۋگە كەلىستى.