فوتو: gov.kz
«قازاقستاندا مۇناي-گاز حيمياسى, ماشينا جاساۋ, مەتاللۋرگيا جانە اوك جوعارى دەڭگەيدە قايتا وڭدەۋدىڭ 17 ءىرى جوباسىن ىسكە اسىرۋ باستالدى. ەكونوميكاعا ۇلكەن ينۆەستيتسيالار قۇيىلىپ جاتىر. بيىل مەملەكەت باسشىسىنىڭ تۇرعىن ءۇي قۇرىلىسى, وڭىرلەردى گازداندىرۋ, تكش جاڭعىرتۋ, كولىك ينفراقۇرىلىمى بويىنشا اۋقىمدى باستامالارىن ىسكە اسىرۋ شەڭبەرىندە عانا ەكونوميكانى قارجىلاندىرۋ 2 ترلن تەڭگەدەن استى. وسى جىلى جالپى سوماسى 40 ترلن تەڭگەگە جۋىق ۇلتتىق ينفراقۇرىلىمدىق جوسپاردى 2029 جىلعا دەيىن ىسكە اسىرۋ باستالدى. جىل سوڭىنا دەيىن ەنەرگەتيكا جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبا قابىلدانادى. فەرمەرلەردى قولداۋ جالعاسىن تاۋىپ وتىر. كەلەسى جىلى كوكتەمگى ەگىس جۇمىستارىن قارجىلاندىرۋ 700 ملرد تەڭگەگە دەيىن ۇلعايتىلدى. بۇگىندە فەرمەرلەردەن وتىنىمدەر قابىلدانىپ جاتىر, ولار 5%-دىق جەڭىلدىگى بار قارجىلاندىرۋمەن قامتاماسىز ەتىلەدى», دەدى مينيستر.
سونىمەن قاتار ۇكىمەت ەكونوميكاعا شەتەل كاپيتالىن تارتۋ بويىنشا شارالاردى كۇشەيتتى. سونداي-اق بيزنەس ءۇشىن جاعدايدى جاقسارتۋ جانە ەكونوميكانى ىرىقتاندىرۋ بويىنشا جۇيەلى جۇمىس جالعاستىرىلادى. ۇكىمەتتىك باعدارلامالاردى ىسكە اسىرۋدان ەكونوميكاعا شەتەل ۆاليۋتاسىنىڭ ءتۇسۋى ۆاليۋتا نارىعىنا تۇراقتاندىرۋشى اسەر ەتەدى ءارى ەكونوميكانىڭ ودان ءارى وسۋىنە ىقپال ەتەدى دەپ كۇتىلىپ وتىر.
