فوتو: primeminister.kz
كەيىنگى بىرنەشە اپتادا ۆاليۋتا نارىعى اۋىتقىپ, ۇلتتىق ۆاليۋتا باعامى السىرەپ تۇر. وسى جاعدايعا بايلانىستى بيزنەس وكىلدەرى تاراپىنان تۋىنداعان تولقىنىستاردى باسۋ ءۇشىن ۇكىمەت پەن ۇلتتىق بانك بىرلەسكەن شارا قابىلداپ جاتىر.
نۇرلان بايبازاروۆ تەڭگەنىڭ السىرەۋىنە كەيىنگى ايلاردا جاھاندىق دوللار يندەكسىنىڭ كۇشەيۋى, مۇنايدىڭ الەمدىك باعاسىنىڭ ءبىرشاما تومەندەۋى مەن رەسەي ءرۋبلىنىڭ تومەندەۋى اسەر ەتكەنىن اتاپ ءوتتى.
«مۇنداي جاعدايدا ۇكىمەتتىڭ باستى مىندەتى – ازاماتتارىمىزدىڭ الەۋمەتتىك جاعدايىنىڭ ناشارلاۋىنا جول بەرمەۋ, ولاردىڭ ءال-اۋقاتىن قورعاۋ, سونداي-اق كاسىپكەرلەرگە كەلەتىن تەرىس اسەردى ازايتۋ. ەكونوميكا مەن حالىق ءۇشىن ىقتيمال تەرىس سالداردى تۇراقتاندىرۋ جانە بارىنشا ازايتۋ ءۇشىن بارلىق قاجەتتى شارالار قابىلداناتىن بولادى. ۇكىمەتتىڭ بۇل ءۇشىن جەتكىلىكتى رەسۋرستارى مەن قۇرالدارى بار», دەدى ن. بايبازاروۆ.
