ۇلتتىق كوميسسيا قۇرىلدى

ەلباسى نۇرسۇلتان نازارباەۆ جاڭعىرتۋ جونىندەگى ۇلتتىق كوميسسيا قۇرۋعا ارنالعان كەڭەس وتكىزدى, دەپ حابارلادى پرەزيدەنتتىڭ ءباسپاسوز قىزمەتى. قازاقستان پرەزيدەنتى ەل الدىنا قويىلعان مىندەتتەردى جۇزەگە اسىرۋ باعىتىنداعى جۇمىستاردى جالعاستىرۋدىڭ ماڭىزدىلىعىن اتاپ ءوتتى. وسىعان بايلانىستى, مەملەكەت باسشىسى بەس ينستيتۋتتىق رەفورمانى جۇزەگە اسىرۋ ماقساتىندا جاڭعىرتۋ جونىندەگى ۇلتتىق كوميسسيا قۇرۋ تۋرالى جارلىققا قول قويىلعانىن مالىمدەدى. كوميسسيانى پرەمەر-مي­نيستر ك.ءماسىموۆ باسقارادى, ورىنباسارى پرەزيدەنت اكىم­شىلىگىنىڭ باسشىسى ن.نىع­ما­تۋلين بولادى. كاسىبي مەملەكەتتىك اپپارات قۇرۋ جونىندەگى جۇمىس توبىن پرەزيدەنتتىڭ كومەكشى­سى ە.ورىنباەۆ, زاڭ ۇستەمدى­گىن قامتاماسىز ەتۋ جونىندەگى جۇمىس توبىن پرەزيدەنت اكىمشىلىگى باسشىسىنىڭ ورىنباسارى ت.دوناقوۆ, ەكونوميكا ماسەلەلەرى جونىندەگى جۇمىس توبىن ۇلتتىق ەكونوميكا مي­نيسترى ە.دوساەۆ, بىرتەكتىلىك ءجا­نە بىرلىك جونىندەگى جۇمىس توبىن پرەزيدەنت اكىم­شىلىگى باسشى­سىنىڭ ورىنباسارى ب.ماي­لى­باەۆ, ەسەپ بەرەتىن مەملەكەت قا­لىپتاستىرۋ جونىندەگى جۇ­مىس توبىن پارلامەنت ءما­جىلىسى ءتورا­عاسىنىڭ ورىنباسارى د.نازار­باەۆا باسقارادى. سونداي-اق, كوميسسيا قۇرا­مىنا شەتەلدىك كونسۋلتانت رەتىندە «نازارباەۆ ۋنيۆەرسيتەتى» ابۇ پرەزيدەنتى ش.كاتسۋ كىردى. مەملەكەت باسشىسى ۇكىمەت قۇرامى ساقتالاتىنىن ايتتى. – ولاردىڭ ءبارى وسى قۇرامدا ىنتىماقپەن جۇمىس ىستەدى, قويىلعان مىندەتتەردى ورىنداي الدى. مەن ەشقايسىسىن دا الماستىرۋ قاجەتتىگىن كورىپ تۇرعان جوقپىن, سوندىقتان جۇمىستارىن جالعاستىراتىن بولادى, – دەدى قازاقستان پرەزيدەنتى. سۋرەتتى تۇسىرگەندەر س.بوندارەنكو, ب.وتارباەۆ.