گەولوگتەر 2 كم تەرەڭدىكتە 300 توننا, 3 كم تەرەڭدىكتە 1000 توننادان استام التىن قورى بار 40-تان استام التىن كەنىن انىقتادى. رەزەرۆتەردىڭ قۇنى $83 ملرد. بۇل جاھاندىق كورسەتكىشتەن اسىپ تۇسكەن. گەولوگتەر شەت ايماقتاردان تاعى دا كەن ورىندارىنىڭ تابىلۋى مۇمكىن دەپ وتىر. قىتاي التىن وندىرۋدەن قازىردىڭ وزىندە ءبىرىنشى ورىندا تۇر.
ەلەكتر ەنەرگياسىن ءوندىرۋدىڭ جاڭا ءادىسى
قىتاي عالىمدارى اۋا جىلۋىنان ەلەكتر ەنەرگياسىن ءوندىرۋ ءۇشىن سۋدى قاجەت ەتپەيتىن گەرمەتيكالىق گيدروەلەكترلىك ەلەمەنتتى ازىرلەدى.
جاڭا تەحنولوگيا بۋلاندىرۋ ۇدەرىسىن تۇراقتاندىرۋ ءۇشىن تەمپەراتۋرا وزگەرىسى مەن ەكى قاباتتى قۇرىلىمدى پايدالانادى. گيدروەلەكترلىك ەلەمەنت سۋسىز 160 ساعاتقا دەيىن جۇمىس ىستەي الادى. بۇل ءادىس تروپيكتىك ايماقتاردا توتەنشە جاعداي كەزىندە قولدانىلۋى مۇمكىن.
قۋاتتى اككۋمۋلياتور
اۋستراليا عالىمدارى ليتي-كۇكىرت اككۋمۋلياتورلارىنىڭ جاڭا ءتۇرىن جاساپ شىعاردى.
بۇل باتارەيالاردىڭ ەنەرگيا تىعىزدىعى 400 ۆت·ساع/كگ دەيىن جەتەدى. بۇل ليتي-يوندى اككۋمۋلياتورلاردان ەكى ەسە كوپ. ولار جەڭىل, ارزان ءارى جىلدام قۋاتتالادى. سونداي-اق ەكولوگيالىق تۇرعىدان ءتيىمدى, سەبەبى قۇرامىندا قىمبات كوبالت جوق. ال كاتود رەتىندە كەڭ تارالعان كۇكىرت پايدالانىلعان. موناش ۋنيۆەرسيتەتىنىڭ عالىمدارى پوليۆينيلپيرروليدون قوسۋ ارقىلى زاريادتاۋ جىلدامدىعىن ارتتىرىپ, باتارەيانىڭ ونىمدىلىگىن جاقسارتقان. بۇل تەحنولوگيا اۆياتسيا مەن eVTOL كولىكتەرىنە, اسىرەسە, ۇشۋ مەن قونۋ كەزىندە جوعارى قۋات قاجەت بولاتىن جاعدايلاردا قولدانىلادى. سونىمەن قاتار ليتي-كۇكىرت باتارەيالار ءوندىرىس شىعىندارىن ازايتادى.
