مارتەبەلى باسقوسۋعا تۇركى اكادەمياسىنىڭ پرەزي-دەنتى شاھين مۇستافاەۆ, ادەبيەت جانە ونەر ينستيتۋتى باس ديرەكتورىنىڭ ورىنباسارى ەلميرا وماروۆا, سەناتور دارحان قىدىرالى, سەرىك نەگيموۆ, ءادىل احمەتوۆ, ساۋىتبەك ابدراحمانوۆ سىندى زيالى قاۋىم وكىلدەرى قاتىستى.
حالىقارالىق تۇركى اكادەمياسىنىڭ باسشىسى شاھين مۇستافاەۆ مىرزا ءىس-شارانىڭ ماڭىزىنا توقتالىپ, الاش ارىستارى احمەت بايتۇرسىن ۇلى مەن ماعجان جۇماباەۆتىڭ تۇركى الەمىنە سىڭىرگەن ەڭبەگىن اتاپ ءوتتى.
«احمەت بايتۇرسىن ۇلى قازاق ءتىل ءبىلىمىنىڭ نەگىزىن قالاۋشى جانە ءالىپبي رەفورماتورى رەتىندە تۇركى دۇنيەسىنىڭ رۋحاني دامۋىنا باعا جەتپەس ۇلەس قوستى. ونىڭ ورتاق تۇركى تەرمينولوگياسى مەن ادەبي ءتىلدى قالىپتاستىرۋ تۋرالى يدەيالارى بۇگىندە وزەكتىلىگىن جوعالتقان جوق. ال ماعجان جۇماباەۆ ءوزىنىڭ شىعارماشىلىعىمەن تۇركىلىك سانانى وياتىپ, تۇركى الەمىنىڭ بىرلىگىن دارىپتەگەن ۇلى تۇلعا. ونىڭ «الىستاعى باۋىرىما» سياقتى ولەڭدەرى – باۋىرلاس حالىقتار ىنتىماعىنىڭ جارقىن ۇلگىسى», دەدى حالىقارالىق تۇركى اكادەمياسىنىڭ باسشىسى.
سونىمەن قاتار شاھين مۇستافاەۆ الاش قايراتكەرلەرى كورەگەندىكپەن سەنگەن تۇركىستان يدەياسىنىڭ تاۋەلسىز تۇركى مەملەكەتتەرىنىڭ ينتەگراتسياسى داۋىرىندە دە ءوز ماڭىزىن ساقتاپ وتىرعانىن اتاپ ءوتتى. ول بيىل قىركۇيەك ايىندا قابىلدانعان ورتاق تۇركى ءالىپبيىن احمەت بايتۇرسىن ۇلى مەن تۇركى الەمىنىڭ باسقا دا ۇلى اعارتۋشىلارىنىڭ اسىل مۇراتتارىنىڭ ورىندالۋى رەتىندە باعالاپ, مارتەبە سانايتىنىن جەتكىزدى.
تۇركى اكادەمياسىنىڭ باس بولۋىمەن, ء«حىح عاسىر مەن حح عاسىردىڭ باسىنداعى تۇركى اعارتۋشىلىعى: زيالىلاردىڭ ءومىرى مەن يدەيالارى» جوباسى اياسىندا ۇلتتىڭ وركەندەۋىنە قىزمەت ەتكەن ويشىلداردىڭ ءومىرباياندارى مەن يدەيالارى جيناقتالىپ جاتىر. اتاپ ايتساق, كەلەسى جىلى شوقان ءۋاليحانوۆتىڭ 190 جىلدىعىنا وراي ونىڭ تاڭداۋلى ەڭبەكتەرىن اۋدارىپ, تۇرىك وقىرماندارىنا ۇسىنۋدى جوسپارلاپ وتىرعان كورىنەدى. تاعى ءبىرى – «تۇركى الەمىنىڭ تۇعىرلى تۇلعالارى» اتتى جوبا. «بۇل جوبانىڭ ماڭىزدىلىعى, جاس ۇرپاقتى ورتاق قۇندىلىقتاردى قۇرمەتتەۋگە تاربيەلەۋ», دەيدى اتقارۋشى تاراپ.
ءىس-شارا سوڭىندا م.اۋەزوۆ اتىنداعى ادەبيەت جانە ونەر ينستيتۋتىنىڭ وكىلى مەكەمە اتىنان تۇركى اكادەمياسىنىڭ پرەزيدەنتىنە العىس حات تابىستاپ, ۇلى تۇلعالار مۇراسىن زەرتتەۋگە قوسقان ۇلەسى ءۇشىن ريزاشىلىعىن ءبىلدىردى.
