اقتوبەدە «قاۋىپسىز اۋلا» اكتسياسى بارىسىندا 5 قىلمىس اشىلدى

اقتوبە. 2 اقپان. اقتوبەلىك پوليتسەيلەر «قاۋىپسىز اۋلا» اكتسياسى بارىسىندا 5 قىلمىستىڭ ءىزىن سۋىتپاي اشتى. بۇل تۋرالى egemen.kz ءتىلشىسى حابارلادى. «مۇلدەم توزبەۋشىلىك» تارتىبىمەن قىلمىستار مەن قۇقىق بۇزۋشىلىقتاردىڭ الدىن الۋ, انىقتاۋ, سونداي-اق كوپ قاباتتى ۇيلەر مەن جەكە ۇيلەردىڭ اۋلاسىندا قوعامدىق ءتارتىپ پەن قاۋىپسىزدىكتى قامتاماسىز ەتۋ  ماقساتىندا اعىمداعى جىلعى 29-31 قاڭتار ارالىعىندا وبلىس اۋماعىندا «قاۋىپسىز اۋلا» جەدەل الدىن الۋ ءىس-شاراسى جۇرگىزىدۋدە. وبلىس بويىنشا قوعامدىق ءتارتىپتى قورعاۋعا 700 ىشكى ىستەر ورناندارىنىڭ قىزمەتكەرى جانە 75 ىشكى اسكەر قىزمەتكەرى, سونداي-اق 120 بىرلىك كولىك جۇمىلدىرىلدى. اتالعان ءىس-شارا كەزەڭىندە پوليتسيانىڭ كەشەندى كۇشى كوپ قاباتتى ۇيلەردىڭ اۋلالارىنا جاقىن ورنالاسىپ, جاياۋ ءجۇرىپ پاترۋل جاسادى. ءىس-شارانىڭ ءبىرىنشى كۇنى جۇمىلدىرىلعان پوليتسيا جاساعىمەن 5 قىلمىس «ءىزى سۋىماي» اشىلدى. سونىمەن قاتار, ىشكى ىستەر دەپارتامەنتى جەدەل قىزمەتتەرىمەن بۇرىن جاسالعان 7 قىلمىس اشىلدى. سونىمەن قاتار, «مۇلدەم توزبەۋشىلىك» تارتىبىمەن 241 اكىمشىلىك قۇقىق بۇزۋشىلىق انىقتالدى, ونىڭ ىشىندە ۇساق بۇزاقىلىقتىڭ 33,  ىشىمدىك ءىشۋ جانە قوعامدىق جەردە ماس كۇيىندە ءجۇرۋدىڭ 40, بەلگىلەنبەگەن جەردە تەمەكى شەگۋدىڭ 35, كولىك قۇرالىن قويۋ جانە توقتاۋ ەرجەسىن بۇزۋدىڭ 18 دەرەگى تىركەلدى. ساتىبالدى ءساۋىرباي. دەرەك: egemen.kz. سۋرەت: dorpat.kz.