فوتو: اقمولا وبلىسى اكىمدىگى
اقمولا وبلىسى اكىمدىگىنىڭ مالىمەتىنشە, ۇزىندىعى 1,7 كم جاعالاۋ كوشەسىنىڭ جاڭا ۋچاسكەسى كەنەسارى كوشەسىن قان ورتالىعىنا بۇرىلىسپەن جالعايدى. بۇگىنگى تاڭدا ەكىجاقتى جارىقتاندىرۋ ورناتىلىپ, تروتۋارلار مەن ۆەلوسيپەد جولدارى, باعدارشامدار مەن سۋ بۇرۋ ناۋالارى جابدىقتالعان.
جوبا وبلىس اكىمدىگى مەن «قازتسينك» اق اراسىنداعى مەملەكەتتىك-جەكەمەنشىك ارىپتەستىك اياسىندا جۇزەگە اسىرىلىپ جاتىر. جول ماگيسترالى قالانىڭ ەكى اۋدانى اراسىنداعى قاشىقتىقتى ەداۋىر قىسقارتادى جانە وبلىس ورتالىعىنىڭ نەگىزگى كوشەلەرىندەگى ترافيكتى جەڭىلدەتەدى. ايتا كەتەيىك, جاڭا جول نەبارى ءۇش ايدا سالىنعان.
«جولدىڭ جاڭا ۋچاسكەسى قاۋىپسىزدىك, ىڭعايلىلىق دەڭگەيىن ارتتىرادى جانە تۋريستىك الەۋەتتى دامىتۋعا ىنتالاندىرادى», دەدى وبلىس اكىمى.
سونداي-اق مارات احمەتجانوۆ ءۋاليحانوۆ كوشەسىنەن زاستانتسيوننىي شاعىن اۋدانىنا قاراي تەمىر جول ارقىلى وتەتىن جول وتپەسىنە دەيىنگى جولدى رەكونسترۋكتسيالاۋدىڭ اياقتالۋىن تەكسەردى.
مەردىگەر ۇيىم سۋ بۇرۋ ناۋالارىن توسەۋ, تروتۋارلاردى, جارىقتاندىرۋ تىرەكتەرىن, باعدارشامدار مەن جاياۋ جۇرگىنشىلەر قورشاۋلارىن ورناتۋ, سونداي-اق ءاج-110 كۆ ەلەكتر بەرۋ جەلىلەرىن تارتۋ بويىنشا جۇمىستار جۇرگىزگەن.
