سۋرەتتەردى تۇسىرگەن – يگور بۋرگاندينوۆ
ناقتى دەرەكتەرگە سۇيەنسەك, وسىناۋ جوبالاردىڭ جۇزەگە اسۋىنا سەبەپشى بولىپ وتىرعان «دامۋ» قورى استاناداعى شاعىن جانە ورتا بيزنەستەگى كاسىپكەرلەرگە جالپى سوماسى 69,6 ميلليارد تەڭگەمەن قارجىلاي قولداۋ كورسەتكەن. ونىڭ قاتارىندا, سۋبسيديالاۋ قۇرالى بويىنشا كاسىپكەرلەردىڭ 57,1 ميلليارد تەڭگەگە 998, كەپىلدىك بەرۋ ۇستانىمىمەن 12,5 ميلليارد تەڭگەگە 660 جوباسى مەملەكەتتەن قولداۋ الدى. ال 146 جوبا 11,3 ميلليارد تەڭگەگە جەڭىلدىكپەن نەسيە الۋعا قول جەتكىزگەن.
«دامۋ» قورى شاعىن جانە ورتا بيزنەسكە سۋبسيديا مەن كەپىلدىك بەرىپ, جەڭىلدىكپەن قارجىلاندىرادى. سۋبسيديا كاسىپكەر نەسيەسىنىڭ پايىزىن ازايتادى. ناتيجەسىندە, كاسىپكەرلەر ۇنەمدەلگەن قاراجاتپەن ءىسىن ءارى قاراي دامىتۋعا جۇمساي الادى. ال بيزنەس اشۋعا نەمەسە كاسىبىن دامىتۋعا نەسيە الاردا بانك تالاپ ەتكەن كەپىلم ۇلىك از بولعان جاعدايدا قور كەپىلدىگى كومەكتەسەدى.
«شاعىن جانە ورتا كاسىپكەرلىكتى قولداۋ بويىنشا مەملەكەتتىك ساياسات اياسىندا, ۇلتتىق دامۋ ينستيتۋتى رەتىندە «دامۋ» قورى وڭىرلەردەگى كاسىپكەرلىكتىڭ دامۋىنا بارىنشا ىقپال ەتەدى. ول ءوز كەزەگىندە ەكونوميكالىق دامۋعا ەلەۋلى اسەر ەتەدى. 2010 جىلدان قازىرگە دەيىن وڭىرىمىزدە مەملەكەتتىك قولداۋعا يە بولعان كاسىپكەرلەر 17,5 مىڭ جۇمىس ورنىن اشىپ, مەملەكەتكە 651 ميلليارد تەڭگە سالىق تولەدى», دەدى «دامۋ» قورىنىڭ استانا فيليالى ديرەكتورى سۆەتلانا نازاريۋك.
تاياۋدا «دامۋ» قورىنىڭ ۇيىمداستىرۋىمەن وتكەن پرەسس-تۋردا باق وكىلدەرى استاناداعى الەۋەتى زور ءتورت بىردەي كاسىپورىن جۇمىسىمەن تانىستى.
«انەل» جەكە كاسىپكەرلىگى 2018 جىلدان بەرى «Gastronomy LAB» برەندىمەن پايدالى نان-توقاش ونىمدەرىن ءوندىرىپ كەلەدى. كاسىپكەر انەل كامالقىزى اشقان «Gastronomy LAB» نان وندىرىسىندە ءجيى كەزدەسەتىن جاساندى اشىتقىسىز, كونسەرۆانتسىز جانە باسقا حيميالىق قوسپالارسىز پىسىرەدى. ناۋبايحانادا نان ءوندىرۋدىڭ بۇكىل ۇدەرىسى ءتىرى اشىتقىنى قولدانا وتىرىپ, ۇزاق تابيعي اشىتۋ ادىسىنە نەگىزدەلگەن. بۇل نانعا ەرەكشە ءدام مەن تەكستۋرانى الۋعا عانا ەمەس, سونىمەن قاتار ساپانى جوعالتپاي ۇزاق ساقتاۋ مەرزىمىن قامتاماسىز ەتۋگە مۇمكىندىك بەرەدى.
قازىر كومپانيادا 8 ادام جۇمىس ىستەيدى. كاسىپكەر بيىلعى جىلى ءوندىرىستى كەڭەيتىپ, ناۋبايحانا تسەحىنا جاڭا جابدىق ساتىپ الۋ ءۇشىن «بانك تسەنتركرەديت» اق-دان نەسيە الدى. «دامۋ» قورى نەسيە پايىزىن سۋبسيديالاپ, كەپىلدىك بەرۋ ارقىلى قولداۋ كورسەتكەن.
«سوۋلفلاي» جەكە كاسىپكەرلىگى ءوز قىزمەتىن 2016 جىلى باستاعان ەكەن. كومپانيا پوليستيرولدان جاسالعان ءساندى ليۋسترالار, شايىر تۇتقالارى, كوفە ۇستەلدەرى جانە انتيكۆارلىق اينالار وندىرىسىمەن اينالىسادى. بيزنەستى ەرلى-زايىپتىلار جۇرگىزەدى. ولار بارلىق ءونىمدى ءوز قولدارىمەن جاسايدى.
كومپانيا باستاپقىدا جالعا الىنعان عيماراتتا جۇمىس ىستەگەن. الايدا بيزنەستىڭ كەڭەيۋىنە بايلانىستى ديزاينەرلىك بۇيىمداردى ءوندىرۋ ءۇشىن جەكە عيمارات ساتىپ الدى. ول ءۇشىن كاسىپكەرلەر «بانك تسەنتركرەديت» اق ارقىلى نەسيەگە ءتيىمدى نەسيەگە قول جەتكىزدى. «دامۋ» قورى نەسيە پايىزىن سۋبسيديالاۋ ارقىلى جاردەمدەستى.
ءاليا عاليەۆا اشقان «Ocean child» جەكە كاسىپكەرلىك تە ەكى جىلدان بەرى بالالارعا قولجەتىمدى جانە ينكليۋزيۆ كەڭىستىك قۇرۋمەن اينالىسادى. كومپانيا دەنساۋلىقتى نىعايتۋعا, يممۋنيتەتتى ساقتاۋعا, سونداي-اق بالالاردىڭ جاعىمدى ادەت-ادەبىن قالىپتاستىرۋعا ىقپال ەتەتىن ءجۇزۋ مەن ماسساج قىزمەتتەرىن ۇسىنادى. كومپانيا جۇمىسىنىڭ ماڭىزدى باعىتى – دەنى ساۋ بالالارعا عانا ەمەس, ەرەكشە قاجەتتىلىگى بار بالالارعا دا قول جەتىمدى قىزمەت ۇسىنۋ. قازىر كومپانيادا 11 ادام جۇمىس ىستەيدى. قىزمەت كورسەتۋ ساپاسىن ارتتىرۋ مەن ءوسىپ كەلە جاتقان سۇرانىستى قاناعاتتاندىرۋ ماقساتىندا جۇمىس توبىن, وعان قوسا قاجەتتى ينفراقۇرىلىمدى ودان ءارى كەڭەيتۋدى جوسپارلاپ وتىر.
كومپانيا «First Heartland Jusan Bank» اق ارقىلى نەسيە الىپ, وزىنە قولايلى عيمارات ساتىپ الۋعا قول جەتكىزدى. ءوز كەزەگىندە «دامۋ» قورى نەسيە پايىزىن سۋبسيديالاپ, جۇمىسىن ودان ءارى ورىستەتۋىنە قولداۋ ءبىلدىردى.
