مەركەل گرەكيانى قارىزدارى جويىپ جىبەرىلمەيتىنىن ايتتى

استانا. 1 اقپان. گەرمانيانىڭ كانتسلەرى انگەلا مەركەل گرەكيانىڭ قارىزدارىن سىزىپ تاستاۋ مۇمكىندىگىن جوققا شىعاردى. بۇل تۋرالى Lenta.ru حابارلادى. «جەكە كرەديتورلار بۇل قارىزداردى سىزىپ تاستاۋدان باس تارتتى», - دەدى وسىعان وراي نەمىس ۇكىمەتىنىڭ باسشىسى. «مەن قارىزداردى بۇدان ءارى سىزىپ تاستاۋدىڭ ەشبىر مۇمكىندىگىن كورىپ تۇرعان جوقپىن», - دەپ اتاپ ءوتتى مەركەل. كانتسلەر ەسكە سالعانداي, افيناعا قارجىلاي كومەك بەرۋدى ودان ءارى جالعاستىرۋدىڭ باستى شارتى گرەكيادا رەفورمالاردى جۇزەگە اسىرۋ بولىپ تابىلادى. وسى رەتتە مەركەل ەۋروپانىڭ گرەكيامەن جانە باسقا دا ەلدەردى داعدارىستان الىپ شىعۋ ءۇشىن ولارمەن «ىنتىماقتاستىقتى جالعاستىرا بەرەتىنىن» ءبىلدىردى. بىراق بۇل ءۇشىن ولاردىڭ وزدەرى الدىمەن «رەفورمالاردى ومىرگە ەنگىزىپ, ۇنەمدەۋ ساياساتىن ۇستانۋلارى» ءتيىس. گەرمانيا كانتسلەرى گرەكتىڭ جاڭا ۇكىمەتىنىڭ ەلدى داعدارىستان شىعارۋعا ارنالعان ءوز ەكونوميكالىق باعدارلاماسى بولۋى كەرەكتىگىن ايتتى. قاڭتاردىڭ 25-ءى كۇنى وتكەن گرەكيانىڭ پارلامەنت سايلاۋىندا سيريزا پارتياسى جەڭىسكە جەتكەن ەدى. ونىڭ ليدەرى سايلاۋ وتكەن بويدا گرەكيانىڭ بۇرىنعىداي قاتاڭ ۇنەمدەۋ تارتىبىمەن ءومىر سۇرمەيتىنىن, بۇل ءۇشىن ءۇش باستى كرەديتوردان ەلدىڭ قارىزدارىن قايتا قاراپ, ءبىر بولىگىن جويعىزىپ جىبەرەتىندەرىن مالىمدەگەن ەدى. قازىر ەللادا ەلىنىڭ بارلىق قارىزدارى جالپى ىشكى ءونىمنىڭ 150 پايىزىن قۇرايدى. مۇنىڭ ءوزى بۇدان ءارى دامۋدىڭ وتە قيىنعا تۇسەتىنىن كورسەتەدى. مۇرات ايتقوجا. دەرەك, فوتو: Lenta.ru.