اقمولا وبلىسىندا 8 مولدا جۇمىستان شىعارىلدى

استانا. 1 اقپان. اقمولا وبلىسى مەشىتتەرىنىڭ قىزمەتكەرلەرى اراسىندا وتكەن اتتەستاتسيانىڭ قورىتىندىسى بويىنشا مەشىتتەردە قىزمەت اتقارىپ جۇرگەن 8 مولدا جۇمىستان شىعارىلدى. بۇل تۋرالى «اقمولا مەديا ورتالىعىنىڭ» دەرەگىنە سۇيەنگەن Newtimes.kz حابارلادى. «اتتەستاتسيا قازاقستان مۇسىلماندارى ءدىني باسقارماسىنىڭ توراعاسى, جوعارعى مۋفتي ەرجان قاجى مالعاجى ۇلىنىڭ تاپسىرۋى بويىنشا وتكىزىلدى», - دەلىنگەن حابارلامادا. اگەنتتىكتىڭ مالىمەتى بويىنشا, اقمولا وبلىسىنىڭ مەشىتتەرىندە 139 ءدىني اتقارۋشى قىزمەت ەتەدى. ولاردىڭ بارىمەن ارنايى ساراپتاما كوميسسياسى اتتەستاتسيالىق تەكسەرۋ وتكىزگەن. سىناق قورىتىندىسىندا ءبىر ءدىني قىزمەتكەر عانا اتتەستاتسيانى «وتە جاقسى» دەگەن باعاعا تاپسىرعان. تاعى 21 قىزمەتكەر «تورتكە» جاۋاپ بەرگەن. «قاناعاتتانارلىق» دەگەن باعانى 69 قىزمەتكەر العان. بۇلاردان بولەك, 15 ادام اتتەستاتسيادان وتە الماسا, 8 قىزمەتكەردى قىزمەتتەرىنەن بوساتۋعا تۋرا كەلگەن. بۇدان باسقا, 25 قىزمەتكەردىڭ ءارتۇرلى جاعدايلارعا (اۋىرىپ قالۋلارىنا, وقۋدا جۇرۋلەرىنە) بايلانىستى اتتەستاتسياعا قاتىسا العان جوق. سوندىقتان ولاردى سىناقتان وتكىزۋ كەيىنگە قالدىرىلدى. مۇرات ايتقوجا. دەرەك, فوتو: Newtimes.kz.