فوتو: Georgian Dream
بيلىك پارتياسىنىڭ نەگىزىن قالاۋشى بيدزينا ءيۆانيشۆيليدىڭ ايتۋىنشا, كاۆەلاشۆيلي - گرۋزين ادامىنىڭ ەڭ جاقسى بەينەسى.
«مەن ميحايل كاۆەلاشۆيلي پرەزيدەنت ينستيتۋتىنان ۋاقىتشا الىنعان ابىرويدى تولىعىمەن قايتاراتىنىنا سەنىمدىمىن», دەدى ول.
ميحايل كاۆەلاشۆيلي 1996 جىلى اعىلشىندىق «مانچەستەر سيتي» كلۋبىندا ويناعان. 2016 جىلدان بەرى گرۋزيا پارلامەنتىنىڭ دەپۋتاتى, «حالىق كۇشى» پارتياسىنىڭ دەپۋتاتتار توبىنىڭ جەتەكشىسى, 26 قازاندا وتكەن پارلامەنتتىك سايلاۋدا «گرۋزين ارمانى» پارتياسىنىڭ تىزىمىندە بولعان.
گرۋزيانىڭ قازىرگى پرەزيدەنتى سالومە زۋرابيشۆيلي 2018 جىلى ازاماتتاردىڭ تىكەلەي داۋىس بەرۋى ارقىلى التى جىلدىق مەرزىمگە سايلاندى. ونىڭ مەرزىمى وسى كۇزدە اياقتالادى. كونستيتۋتسياعا ەنگىزىلگەن جاڭا تۇزەتۋلەرگە سايكەس, بولاشاق پرەزيدەنتتى 26 قازاندا وتەتىن پارلامەنتتىك سايلاۋدان كەيىن پارلامەنت دەپۋتاتتارى مەن جەرگىلىكتى بيلىك وكىلدەرىنەن تۇراتىن 300 سايلاۋشىدان تۇراتىن القا بەس جىلدىق مەرزىمگە سايلايدى.
