فوتو اشىق دەرەككوز
شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىندا ايىپتالۋشىعا قاتىستى قك-ءنىڭ 24-بابىنىڭ 3-بولىگى – 191-بابىنىڭ 2-بولىگىنىڭ 1-تارماعىمەن (زورلىق-زومبىلىق قولدانامىن دەپ قورقىتىپ, بوتەننىڭ مۇلكىن اشىق ۇرلاۋعا وقتالۋ) قىلمىستىق ءىس قارالدى.
سوت تالقىلاۋى بارىسىندا پروكۋرور ايىپتى قك-ءنىڭ 24-بابىنىڭ 3-بولىگى – 191-بابىنىڭ 1-بولىگىمەن وزگەرتىپ, «زورلىق-زومبىلىق جاسايمىن دەپ قورقىتۋمەن» دەگەن بىلىكتىلىك بەلگىنى الىپ تاستاعان. جابىرلەنۋشى تاراپتىڭ قارسىلىعى بولماعان جاعدايدا ايىپتى مۇنداي وزگەرتۋ سوت ءۇشىن مىندەتتى بولىپ تابىلادى.
سوتتالۋشىنىڭ كىناسى جابىرلەنۋشى مەن جابىرلەنۋشىنىڭ وكىلىنىڭ ايعاقتارىمەن, بەينەجازبالارمەن جانە باسقا دا دالەلدەمەلەرمەن دالەلدەنىپ, ول كىنالى دەپ تانىلدى.
كىناسىن مويىنداۋى, جاساعان قىلمىسىنا شىن جۇرەكتەن وكىنۋى, جاستىعى, سوتتىلىعىنىڭ بولماۋى جەڭىلدەتەتىن ءمان-جايلارعا جاتقىزىلدى. جاۋاپتىلىقتى اۋىرلاتاتىن ءمان-جايلار بەلگىلەنبەگەن.
زاڭعا سايكەس, قىلمىسقا وقتالۋ ءۇشىن جازا ەڭ جوعارى مەرزىمنىڭ ¾ بولىگىنەن اسپاۋى كەرەك.
ء«ىس بويىنشا تەرگەۋ جەدەلدەتىلگەن تارتىپتە جۇرگىزىلدى, سوندىقتان قك-ءنىڭ 56-بابىنىڭ 3-بولىگىنە سايكەس جازا ەڭ جوعارى مەرزىمنىڭ ½ بولىگىنەن اسپاۋى كەرەك. وسىعان بايلانىستى سوتتالۋشىعا 1 جىل 6 اي مەرزىمگە باس بوستاندىعىن شەكتەۋ جازاسى بەرىلدى. ۇكىم زاڭدى كۇشىنە ەنگەن جوق», دەلىنگەن حابارلامادا.
ايتا كەتەيىك, قىلمىسكەردى لومباردقا تەلەفونىن الۋ ءۇشىن كەلگەن 18 جاستاعى جىگىت ۇستاپ, پوليتسياعا تاپسىرعان بولاتىن.
