فوتو: سۋ رەسۋرستارى جانە يررريگاتسيا مينيسترلىگى
مينيسترلىكتىڭ مالىمەتىنشە, شقو بويىنشا «قازسۋشار» فيليالىنىڭ ديرەكتورى نۇرجان ءامىرجانوۆ بۇل تۋرالى وڭىرلىك كوممۋنيكاتسيالار قىزمەتى الاڭىندا ءمالىم قىلدى. فيليال ءوڭىردىڭ 364 شارۋا قوجالىعىمەن كەلىسىمشارت جاساسقان. بەرىلگەن سۋدىڭ جالپى كولەمى 51,8 ملن تەكشە مەتر.
تاسقىنعا دايىندىق شەڭبەرىڭدە فيليال سۋ قويمالارىنان سۋ جىبەرىپ وتىر. 9 بىرلىك ارنايى تەحنيكا ساتىپ الىنعان. ۇزىندىعى 36 شاقىرىم كانالدا ىرىكتەمەلى مەحانيكالىق تازارتۋ جانە 7 گتق اعىمداعى جوندەۋ جۇمىستارى اياقتالعان. 9 گتق سۋ تاسقىنىنان كەيىن قالپىنا كەلتىرۋ جۇمىستارى جالعاسىپ جاتىر.
«اباي وبلىسىندا ۆەگەتاتسيالىق كەزەڭ ءساتتى ءوتتى, بۇل جاقسى ءونىم جيناۋعا مۇمكىندىك بەردى. قازىر ءبىز سۋ تاسقىنىنا قارسى جۇمىس جۇرگىزىپ جاتىرمىز. شار سۋ قويماسىنا كوپ فاكتورلى تەكسەرىس جۇرگىزىلدى. سۋ قويماسىن رەكونسترۋكتسيالاۋ بويىنشا قۇرىلىس-مونتاجداۋ جۇمىستارى جۇرگىزىلىپ جاتىر, ونى جىل سوڭىنا دەيىن اياقتاۋ جوسپارلانىپ وتىر», دەدى نۇرجان ءامىرجانوۆ.
