فوتو: kursiv.media
تىيىم 2025 جىلدىڭ 1 شىلدەسىنەن باستاپ كۇشىنە ەنەدى. سول كۇننەن باستاپ قىرعىزستانعا قۇرامىندا نيكوتين بار سۇيىق ەلەكتروندى تەمەكىلەردى اكەلۋگە, سونداي-اق ەلدە ساتۋعا نەمەسە پايدالانۋعا تىيىم سالىنادى.
سونىمەن قاتار ەلدە ۆەيپ جانە ەلەكتروندى تەمەكى ساتقاندار مەن ونى پايدالانعاندار ايىپپۇل ارقالايدى. پايدالانعانى ءۇشىن جەكە تۇلعالارعا سالىناتىن ايىپپۇل مولشەرى – 100 ەسەپتىك كورسەتكىش, ياعني 10 مىڭ سوم (شامامەن 57 مىڭ تەڭگە), ال ساتقانى ءۇشىن 200 ەسەپتىك كورسەتكىش ايىپپۇل ارقالايدى. زاڭدى تۇلعالار بۇدان 6 ەسە كوپ تولەيدى.
ال ەلگە زاڭسىز اكەلگەندەرگە ءىرى مولشەردە ايىپپۇل سالۋ, ءبىر جىلعا دەيىن تۇزەتۋ جۇمىستارى, ەكى جىلعا دەيىن باس بوستاندىعىنان ايىرۋ جازاسى قاراستىرىلعان.
