اقپاراتتار اعىنى

*«قازاگرو» حولدينگى اوك سۋبەكتىلەرىن قارجى­لان­دىرۋ كولەمىن ساقتاپ قالادى. ونىڭ جالپى سوماسى 200 ملرد. تەڭگەدەن اسادى. اۋىل شارۋاشىلىعى ءمينيسترى اسىل­جان مامىتبەكوۆتىڭ سوزىنە قارا­عاندا, «اگروبيزنەس-2020» باع­دار­­لاماسى اياسىندا پايىزدىق ءمول­شەر­لەمەنى سۋبسيديالاۋ اگرو­­ونەركاسىپتىك كەشەندى دامى­­تۋعا باعىتتالعان بيۋدجەت شىعىن­دارىنىڭ تيىمدىلىگىن ارتتىرادى. *ەلىمىزدەگى كوكتەمگى دالا جۇمىستارى ءۇشىن 60 ملرد. تەڭگە بولىنەدى. بۇل – بىلتىرعى جىل­عىدان 20 ملرد. تەڭگە ارتىق. اۋىل شارۋاشىلىعى ۆيتسە-مي­نيسترى ساپارحان وماروۆتىڭ ايتۋىن­شا, شارۋالاردى قارجى­لاندىرۋ ءۇشىن بيۋدجەتتىك نەسيە ءبولۋ ءىسى دە جوسپارلانىپ وتىر. *اۋەجايلاردىڭ ينفرا­قۇ­رىلىمىن دامىتۋعا 100 ملرد. تەڭگە ينۆەستيتسيا تارتىلادى. Airoport Management Group جشس باس ديرەكتورى كلود بانان استاناداعى حالىقارالىق اۋەجايدا جاڭا جولاۋشىلار تەرمينالى سالىناتىنىن مالىمدەدى. ايتا كەتەيىك, AMG كومپانياسى اۋە­جايلاردى وڭتايلاندىرۋ جانە اۋە اكتيۆتەرىن باسقارۋ ماقساتىندا قىزمەت كورسەتەدى. *استانا – مەديتسينالىق تۋريزم بويىنشا ورتالىق ازياداعى جەتەكشى قالالاردىڭ ءبىرى. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتىنىڭ حابار­لا­عانىنداي, 2011-2014 جىلدارى ارالىعىندا ەلورداداعى ۇلتتىق مەديتسينالىق حولدينگ كلينيكالارىندا جانە ۇلتتىق عىلىمي مەديتسينالىق ورتالىقتا الەمنىڭ 30-دان استام ەلىنىڭ 4 799 ازاماتىنا دارىگەرلىك كومەك كورسەتىلگەن. *وڭتۇستىك قازاقستاندا بالامالى ەنەرگەتيكا بويىنشا 28 جوبا ىسكە اسىرىلىپ جاتىر. وبلىستىق اكىمدىكتىڭ ءباسپاسوز قىزمەتى اتاپ كورسەتكەندەي, بىل­تىر وڭىردە بالامالى ەنەرگيا كوزدەرى باعىتىندا جالپى قۋات­تىلىعى 753 مۆت بولاتىن 3 جوبا قاتارعا قوسىلعان. سونداي-اق, اي­ماقتا ءبىلىم, دەنساۋلىق ساقتاۋ, اۋىل شارۋاشىلىعى, تۇرعىن ءۇي جانە كوممۋنالدىق شارۋاشىلىق, كولىك جانە ەكولوگيا سالالارىن قامتيتىن 21 يننوۆاتسيالىق جوبا قولعا الىنىپ وتىر. *قىزىلوردادا بالىق شارۋاشىلىعىن دامىتۋدىڭ 2015-2017 جىلدارعا ارنالعان جول كارتاسى بەكىتىلدى. وبلىس اكىمدىگىنىڭ ءباسپاسوز قىزمەتى ءمالىم ەتكەندەي, ايماقتا سوڭعى جىلدارى بالىق ونىمدەرى ەكسپورتىنىڭ كولەمى ارتىپ كەلەدى. ماسەلەن, 2014 جىلى قۇنى 3,1 ملن. اقش دول­لارى بولاتىن 500 توننادان استام بالىق ونىمدەرى گرۋزيا, دانيا, پولشا, اۆستريا جانە گەرمانيا مەملەكەتتەرىنە جونەلتىلدى. *اقمولا وڭىرىندە وتكەن جىلى 295,2 ملرد. تەڭگەنىڭ ءونىمى ءوندىرىلدى. وبلىس اكىمدىگى ءباسپاسوز قىزمەتىنىڭ دەرەگىنشە, بىلتىر ايماق ەكونوميكاسىنىڭ دامۋىنا 181,1 ملرد. تەڭگە ينۆەس­تيتسيا تارتىلعان. *اتىراۋ وبلىسىنىڭ دامۋىنا «تەڭىزشەۆرويل» جشس زور ۇلەسىن قوسىپ كەلەدى. قۇ­رىلىمنىڭ باس ديرەكتورى تيم ميل­لەر بۇگىنگە دەيىن وڭىردەگى الەۋمەتتىك جوبالاردى جۇزەگە اسى­رۋعا كومپانيا تاراپىنان 930 ملن. اقش دوللارىنان استام ينۆەستيتسيا سالىنعانىن جەتكىزدى. سونداي-اق, ول جەرگىلىكتى حالىقپەن جەمىستى ىنتىماقتاستىق ارقاسىندا وسى كورسەتكىشتىڭ ءالى دە وسە تۇسەتىنىنە سەنىم ءبىلدىردى. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناcىنىڭ دەرەكتەرى بويىنشا دايىندالدى.