فوتو: اشىق دەرەككوز
دونالد ترامپ ۋكرايناداعى قاقتىعىستى كەلىسسوز ارقىلى رەتتەۋگە تىرىساتىنىن مالىمدەگەن ەدى. ول ۋكرايناداعى قاقتىعىستى ءبىر كۇندە شەشە الاتىنىن بىرنەشە رەت ايتقان. رەسەي تاراپى بۇل قاراپايىم جولمەن وڭاي شەشىلە سالاتىن ماسەلە ەمەس دەپ سانايدى. ترامپ اقش-تىڭ ۋكرايناداعى قاقتىعىسقا دەگەن كوزقاراسىن بىرنەشە رەت سىناپ, زەلەنسكيدى دە سىنعا الدى. ول زەلەنسكيدىڭ ءاربىر ساپارى ميللياردتاعان دوللارلىق كومەكپەن اياقتالاتىنىن ايتتى.
«ترامپتىڭ جوسپارى جۇزەگە اسۋى ءۇشىن وعان قىزمەتكە كىرىسۋدىڭ قاجەتى جوق, تەك تاراپتاردى سەندىرۋ كەرەك. ترامپ جاقىن ارادا كيەۆ پەن ماسكەۋگە بارىپ, قاقتىعىستى توقتاتۋدىڭ تەحنيكالىق ءمان-جايىن تالقىلاۋى مۇمكىن», دەدى ساراپشى.
ونىڭ ايتۋىنشا, ترامپتىڭ ۇسىنىسى قاراپايىم - قاقتىعىستى توقتاتۋ.
«ۇسىنىس اتىستى مەرزىمسىز توقتاتۋدى جاريالاۋدى جانە قازىرگى مايدان اۋماعىن «فيزيكالىق شەكاراعا» اينالدىرۋدى قامتيدى. بارلىق ءمان-جايدى قوسا العاندا, ۋكراينادان ناتو-عا مۇشە بولۋ تۋرالى ءوتىنىشىن ۋاقىتشا توقتاتۋ سۇرالادى. قاراپايىم تىلمەن ايتقاندا, بۇل بىتىمگەرشىلىك كەلىسىم ەمەس, قاقتىعىستى مەرزىمسىز توقتاتۋ», دەدى ول.
