فوتو: ساۋدا جانە ينتەگراتسيا مينيسترلىگى
NON-FOOD ASIA EXPO كورمەسى وسىمەن ەلىمىزدە ءۇشىنشى رەت ءوتىپ جاتىر. بۇل شارا وسى ۋاقىت ىشىندە ساتىلىمنىڭ كولەمى مەن اۋقىمىن كەڭەيتۋگە, تاپسىرىس بەرۋشىلەر بازاسىن ۇلعايتۋعا مۇمكىندىك جاسادى. سونداي-اق, ەۋرازيالىق ەكونوميكالىق وداق ەلدەرىنىڭ ءىرى بولشەك ساۋدا جەلىلەرىنە, ماركەتپلەيستەرگە, شەتەلدىك جانە وتاندىق تاۋار وندىرۋشىلەر اراسىندا بايلانىس ورناتاتىن ءتيىمدى الاڭعا اينالدى.
ساۋدا جانە ينتەگراتسيا ءمينيسترىنىڭ ءبىرىنشى ورىنباسارى ايجان بيجانوۆانىڭ ايتۋىنشا, كورمە ىشكى جانە سىرتقى ساۋدا اينالىمىنىڭ وسۋىنە وڭ ىقپال ەتەدى.
«جالپى ءبىز وندىرۋشىلەر مەن بيزنەسمەندەر ءبىر-بىرىمەن قارىم-قاتىناس ورناتىپ, سول ارقىلى تاۋار اينالىمىن, حالىقارالىق ساۋدا اينالىمىن جاقسارتسا ەكەن دەيمىز. ىسكەرلىك باستامالارىن قولدايمىز. ياعني بۇل كورمە قوسىمشا ينۆەستيتسيا تارتاتىن ديالوگ الاڭىنا اينالدى دەسەك تە بولادى. مۇندا ۇيگە كەرەكتىڭ ءبارى بار. تۇرمىستىق حيميا ونىمدەرى مەن كوسمەتيكادان باستاپ, بالالار ويىنشىقتارىنا دەيىن قويىلعان. اتاپ ايتقاندا, تىكەلەي وندىرۋشىلەر مەن نارىقتا كەڭىنەن تانىمال كومپانيالاردىڭ 300-دەن استام برەندىن كورە الاسىز», دەپ اتاپ ءوتتى ايجان بيجانوۆا.
