كونتسەرت قر مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلدى.
«ياشلىك» ءانسامبلى 1974 جىلى قۇرىلعان. ۇلتتىق مۋزىكانى حالىق اسپاپتارىمەن ۇيلەستىرىپ, جاڭا وڭدەۋمەن ۇسىنا بىلگەن توپ بىرنەشە مارتە حالىقارالىق بايقاۋلاردىڭ جەڭىمپازى اتاندى.
ءىس-شاراعا «دوس-مۇقاسان» ءانسامبلى, قازاقستاننىڭ حالىق ءارتىسى روزا رىمباەۆا, قازاقستاننىڭ ەڭبەك سىڭىرگەن قايراتكەرلەرى ديلناز احماديەۆا مەن الىشەر كارىموۆ, ءانشى جانە كومپوزيتور پارۆيز نازاروۆ, سونداي-اق «ياشلىك» ءانسامبلىنىڭ قازىرگى قۇرامى مەن قازاقستاندىق جانە ۇيعىر ەستراداسىنىڭ جۇلدىزدارى قاتىستى.
كونتسەرتتە ءانسامبلدىڭ 70–80 جىلدارداعى حيتتەرى مەن تانىمال اندەردىڭ زاماناۋي وڭدەلگەن نۇسقالارى ورىندالدى.
ونەر ۇجىمىنا مەملەكەت باسشىسى قاسىم-جومارت توقاەۆتىڭ اتىنان ىقىلاس گ ۇلى تابىس ەتىلدى.
قر مادەنيەت جانە اقپارات ءمينيسترى ايدا بالاەۆا «ياشلىك» ءانسامبلىنىڭ ۇجىمىن مەرەيتويىمەن قۇتتىقتاپ, ءانسامبلدىڭ قازاقستاننىڭ مۋزىكا مادەنيەتىندەگى ورنى ەرەكشە ەكەنىن ايتتى.
