دەپۋتاتتار قازاقستان رەسپۋبليكاسى سۋ كودەكسىنىڭ جوباسىن جانە سۋ رەسۋرستارىن قورعاۋ مەن پايدالانۋ ماسەلەلەرى بويىنشا ىلەسپە تۇزەتۋلەردى ءبىرىنشى وقىلىمدا قارايدى.
قۇجات مەملەكەت باسشىسىنىڭ تاپسىرماسىنا سايكەس كليماتتىڭ وزگەرۋى مەن كورشىلەس مەملەكەتتەردىڭ ساياساتىن ەسكەرە وتىرىپ, سۋ زاڭناماسىن جەتىلدىرۋ ماقساتىمەن ازىرلەنگەن. قولدانىستاعى كودەكس 2003 جىلى قابىلدانىپ, نەگىزىنەن سۋدى پايدالانۋعا باعىتتالعان ەدى.
كودەكس جوباسىنىڭ نەگىزگى ەرەجەلەرى ەلىمىزدىڭ سۋ الەۋەتىن ساقتاۋ جانە ونى ءتيىمدى پايدالانۋ ءۇشىن سۋ رەسۋرستارىن قورعاۋدىڭ باسىمدىعىن قامتاماسىز ەتەدى. سۋدى پايدالانۋ ليميتتەرىن انىقتاۋ تەتىگى قايتا قارالدى. ول ەكولوگيالىق اعىندى سۋدى انىقتاعاننان كەيىن قالعان سۋدىڭ كولەمى شەگىندە ەسەپتەلەدى. سونىمەن قاتار ەكونوميكا سالالارىن قايتا پايدالاناتىن, اينالىمدى سۋمەن جابدىقتاۋ بويىنشا جاڭا نورما, سونداي-اق بالاما سۋ كوزدەرىن (قار سۋى, تاسقىن سۋ, تازارتىلعان سارقىندى سۋ) جيناقتاۋ جانە پايدالانۋ سالاسىندا جاڭاشىلدىقتار ەنگىزىلىپ جاتىر.
ىلەسپە زاڭ جوباسىندا 5 كودەكس پەن 9 زاڭعا وزگەرىستەر مەن تولىقتىرۋلار ەنگىزىلەدى.
بۇعان قوسا دەپۋتاتتار حالىقارالىق كەلىسىمدەردى راتيفيكاتسيالاۋعا قاتىستى بىرقاتار زاڭ جوباسىن قاراپ, جۇمىسقا الادى.
