فوتو سەناتتىڭ ءباسپاسوز قىزمەتى
سەناتورلاردىڭ, ساراپشىلار مەن قوعام قايراتكەرلەرىنىڭ قاتىسۋىمەن وتكەن جۇمىس توبىنىڭ العاشقى وتىرىسىندا قۇجات مۇگەدەكتىگى بار بالالارعا نەعۇرلىم ءتيىمدى الەۋمەتتىك جانە مەديتسينالىق-پەداگوگيكالىق قولداۋعا قول جەتكىزۋدى قامتاماسىز ەتۋگە مۇمكىندىك بەرەتىنى ايتىلدى.
ء«بىر توپ سەنات دەپۋتاتتارى مۇگەدەكتىگى بار بالالارعا جاڭا مۇمكىندىك اشاتىن زاڭ ازىرلەۋگە كىرىستى. بۇل الەۋمەتتىك جانە مەديتسينالىق-پەداگوگيكالىق كومەكتى جاقسارتۋ ماسەلەلەرىن عانا ەمەس, سونىمەن قاتار ولاردى ءومىردىڭ بارلىق كەزەڭىندە قوعامعا كىرىكتىرۋگە جاعداي جاساۋدى قامتيتىن كەشەندى قۇجات», دەدى سەناتور امانگەلدى تولاميسوۆ.
مۇگەدەكتىگى بار بالالاردى الەۋمەتتىك جانە مەديتسينالىق-پەداگوگيكالىق قولداۋ تۋرالى قولدانىستاعى زاڭ 2002 جىلى قابىلدانعان بولاتىن. وعان وسى كەزگە دەيىن 70-تەن استام تۇزەتۋ ەنگىزىلدى.
پارلامەنتشىلەردىڭ ايتۋىنشا, قۇجات قازىرگى زامانعى احۋال مەن حالىقارالىق ستاندارتقا سايكەس كەلمەيدى. جۇمىس توبىنىڭ وتىرىسىنا قاتىسۋشىلار قولدانىستاعى زاڭعا ۇعىمداردى ناقتىلاۋمەن قوسا, 18 باپتىڭ 16-سىنا مەملەكەتتىك جانە جەكە ۇيىمدار اراسىنداعى ءىس-قيمىلداردى ەرتە انىقتاۋ جانە ۇيلەستىرۋ تەتىگىن جاقسارتۋ تۋرالى وزگەرىستەر ەنگىزۋ قاجەتتىگىن اتاپ ءوتتى.
