بەت-الپەتتى تانۋ جۇيەسى ىسكە قوسىلدى

يننوۆاتسيالىق جوبانى ىشكى ىستەر مينيسترلىگى, ۇلتتىق قاۋىپسىزدىك كوميتەتى جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ازىر­لەگەن. ءىىم تاراتقان اقپاراتقا سايكەس, ۇلتتىق بەينەموني­تورينگ جۇيەسى جاساندى ين­تەل­لەكت تەحنولوگيالارى ار­قىلى ىزدەۋدە جۇرگەن ادامدار­دى تانۋعا, قوعامدىق ورىن­داردا قالدىرىلعان زاتتار تۋ­رالى سيگنال بەرۋگە, قۇ­قىق بۇزۋشىلىقتاردى اۆتومات­تى رەجىمدە تىركەۋگە مۇمكىندىك بەرەدى. سونداي-اق كومپيۋتەرلىك باعدارلاما كولىكتىڭ ماركاسىن, مودەلىن, ءتۇسىن انىقتايدى.

بۇگىندە جاڭا جۇيە تيىم­دىلىگىن كورسەتكەن. ماسەلەن, دۇنيەجۇزىلىك كوشپەلىلەر ويىندارىن وتكىزۋ كەزىندە قۇقىق قورعاۋ قىزمەتكەرلەرى ەلوردانىڭ قوعامدىق ورىندارىندا جوعالعان بالالاردى, سونداي-اق ەسەپتە تۇرعاندار مەن حابار-وشارسىز كەتكەن ادامداردى وسى «اقىلدى» كا­مە­رالاردىڭ كومەگىمەن جەدەل تاپقان. سونداي-اق بەينە-تالداۋ جۇيەسى ارقىلى استانادا ىزدەۋدە جۇرگەن 46 قۇقىق بۇزۋشى جەدەل تۇردە انىقتالىپ ۇستالعان. وسىنداي ىزدەستىرۋ جۇمىستارى قازىر الماتىدا جۇرگىزىلىپ جاتىر. 30 ادام انىقتالىپ قۇرىق­تالعان.

ەنگىزىلگەن تەحنولوگيالار – «اقىلدى» قالالاردى قۇرۋعا جاسالعان وڭ قادام. ولار قو­عامدىق قاۋىپسىزدىك دەڭگەيىن ارتتىرىپ, قىلمىستى ازايتۋعا كومەكتەسەدى. مۇنداي جۇيەلەر قىتايدا, رەسەيدە جانە ەۋ­روپا ەلدەرىندە كوپتەپ قول­دانىلادى.

وسىلايشا, قازاقستان ۇزدىك تاجىريبەلەردى يگەرىپ, الەمدىك ءۇردىستىڭ ءبىر بولىگىنە اينالىپ كەلەدى. الداعى ۋاقىتتا كامەرالار سانىن ارتتىرىپ, بەينەمونيتورينگتى كەڭەيتۋ جوسپارلانىپ وتىر. بۇل كە­زەڭ-كەزەڭىمەن جۇرگىزىلەدى.

«بۇگىنگى تاڭدا مەنشىك تۇ­رىنە قاراماستان ەلىمىزدە 1 ملن 359 مىڭ بەينەكامە­را بار, ونىڭ 310 مىڭى جەدەل باسقارۋ ورتالىقتارى جانە پوليتسيانىڭ كەزەكشى بولىمدەرىنە شىعارىلعان. جالپى, يننوۆاتسيالىق جوبا­لاردىڭ قىلمىسقا قارسى ءىس-قي­مىلدا جانە ادامدار كوپ جينالاتىن جەرلەردە قوعامدىق قاۋىپسىزدىكتى قامتاماسىز ەتۋدە كومەگى زور. ىسكە قوسىلعان جۇيەلەردىڭ باستى ماقساتى – ءاربىر ازاماتتىڭ زاڭ مەن ءتارتىپ ورناعان قوعامدا ءوزىن قاۋىپسىز سەزىنۋىنە جاعداي جاساۋ», دەيدى ءىىم وكىلدەرى.