كۇن سايىن ەكى مىڭنان استام جۇك كولىگى قالدىقتاردى جيناپ, ولاردى ارنايى وڭدەۋ ورتالىقتارىنا جەتكىزەدى. ەلدە ءتورت ۇلكەن قوقىس جاعاتىن زاۋىت جۇمىس ىستەيدى. ولار سينتەتيكالىق ماتەريالداردى, سونىڭ ىشىندە پلاستيكتى, قايتا وڭدەۋ ارقىلى قۇرىلىسقا قاجەتتى ماتەريالدارعا اينالدىرادى. مىسالى, پلاستيكالىق قالدىقتار تسەمەنتپەن ارالاستىرىلىپ, كىرپىش وندىرىسىندە نەمەسە جولداردى سالۋدا قولدانىلادى. ۇدەرىس بارىسىندا الىنعان جىلۋ ەنەرگياعا اينالىپ, تۇرعىن ۇيلەر مەن عيماراتتاردى قامتاماسىز ەتەدى. ال جانۋ كەزىندە بولىنەتىن ءتۇتىن ارنايى سۇزگىلەر ارقىلى تازارتىلادى.
قۋاتتى 3D پرينتەر
اۋستراليالىق عالىمدار بيولوگيالىق 3D پرينتەرلەردىڭ جۇمىس جىلدامدىعىن 350 ەسە ارتتىردى.
بۇل تەحنولوگيا كوپتەگەن ادامنىڭ ءومىرىن قۇتقارۋعا مۇمكىندىك بەرەدى. قۇرىلعى نەبارى 10 مينۋت ىشىندە ادام قۇلاعىن, ال بىرنەشە سەكۋندتا تەرىنى باسىپ شىعارا الادى. 3D باسىپ شىعارۋ ءادىسى ارقىلى جاسۋشالىق نەگىزدە كولەمدى بيولوگيالىق قۇرىلىمدار جاسالادى. بۇل دارىگەرلەرگە زاقىمدالعان مۇشەلەردى قالپىنا كەلتىرۋگە نەمەسە تولىقتاي جاڭاسىن باسىپ شىعارۋعا جول اشادى. قازىرگى كەزدە تەحنولوگيا كۇيىك شالعان ناۋقاستارعا جاساندى تەرى دايىنداۋ باعىتى بويىنشا بەلسەندى زەرتتەۋ جۇرگىزىپ جاتىر. بۇل جاڭالىق بولاشاقتا ميلليونداعان ادامنىڭ ءومىرىن جاقسارتۋعا جانە مەديتسينالىق قىزمەتتەردى قولجەتىمدى ەتۋگە سەپتىگىن تيگىزەتىنى ءسوزسىز.
روبوت جۇك تاسۋشى
«Robust AI» كومپانياسى Carter Pro اتتى جاڭا روبوت-جۇكتاسۋشىسىن تانىستىردى.
روبوت جۇك قويمالارىندا ادامدارمەن بىرگە جۇمىس ىستەي الادى. روبوتتى ارنايى تۇتقاسى ارقىلى قولمەن باسقارۋعا بولادى. Carter Pro وزىنە ورناتىلعان كامەرانىڭ كومەگىمەن قويمادا ەركىن قوزعالادى. ونى العاشقى بولىپ DHL لوگيستيكالىق كومپانياسى سىناقتان وتكىزىپ جاتىر.
