ومەگا-3 توق ىشەك, اسقازان, وكپە ىسىكتەرىنىڭ, ال ومەگا-6 مي قاتەرلى ىسىگى مەن مەلانومانىڭ الدىن الادى. ماماندار ماي قىشقىلدارىن تابيعي ونىمدەردەن الۋ ءۇشىن بالىق, جاڭعاق, وسىمدىك, ءزايتۇن مايلارىن تۇتىنۋعا كەڭەس بەرەدى. اسىرەسە ومەگا-3 پەن ومەگا-6 تەپە-تەڭدىگىن 1:1 دەڭگەيىندە ۇستاۋ جۇرەك-قانتامىر اۋرۋلارى مەن ونكولوگيانىڭ الدىن الۋعا كومەكتەسەدى.
جاساندى ينتەللەكتىنىڭ جادىندا قالاسىز
Gemini چات-بوتىنا قولدانۋشىنىڭ جەكە قالاۋلارى مەن قىزىعۋشىلىقتارىن ەستە ساقتاۋ مۇمكىندىگى ەنگىزىلدى.
ەندى Gemini چات-بوتى قولدانۋشىعا قاتىستى اقپاراتتار مەن ونىڭ قالاۋلارىن ەستە ساقتاپ, جاۋاپتارىن سول مالىمەتتەرگە بەيىمدەي الادى. مىسالى, جۇيە قولدانۋشىسىنىڭ ۆەگەتارياندىق تاعامداردى جاقسى كورەتىنىن نەمەسە بۋحگالتەر بولىپ جۇمىس ىستەيتىنىن ەستە ساقتاي الادى. قولدانۋشىلار دەرەكتەردى وزدەرى باسقارا الادى. ولاردى وڭدەۋگە, وشىرۋگە مۇمكىندىك بار. الايدا بۇل قىزمەت ازىرگە تەك اعىلشىن تىلىندە جۇمىس ىستەيدى ءارى «Google One AI Premium» جازىلىمىندا عانا قولجەتىمدى.
«Bugatti»-ءدىڭ الەمدىك رەكوردى
«Bugatti» كومپانياسى اشىق توبەلى W16 Mistral كابريولەتىمەن 453,91 كم/ساع جىلدامدىققا جەتىپ, بەيرەسمي الەمدىك رەكورد ورناتتى.
بۇل كورسەتكىش «Koenigsegg» كومپانياسى 2017 جىلى ورناتقان رەكوردتان 6,72 كم/ساع-قا جىلدام. 1825 ات كۇشىنە تەڭ W16 قوزعالتقىشى كابريولەتكە ادام سەنگىسىز جىلدامدىققا جەتۋگە مۇمكىندىك بەرگەن. «Bugatti» باسشىسى ماتە ريماك ەندىگى ماقسات 500 كم/ساع مەجەسىن باعىندىرۋ ەكەنىن ايتتى. الايدا ءبىر باعىتتا قوزعالۋ ەرەجەلەرگە ساي كەلمەيتىندىكتەن, بۇل رەكورد رەسمي تۇردە مويىندالماۋى مۇمكىن.
