مازمۇندى كەشكە استانادان عالىمنىڭ ۇلى, بەلگىلى ءتىل مامانى ارىستانبەك نۇرماحانوۆ كەلىپ قاتىسىپ, اناسى تۋرالى جىلى ەستەلىگىمەن ءبولىستى. ونىڭ ايتۋىنشا, ءازيزا نۇرماحانقىزىنىڭ عۇمىربايانى وتە باي. 14 جاسىندا مەكتەپ ديرەكتورى بولعان عالىم ماسكەۋدە كسرو عا ءتىل ءبىلىمى ينستيتۋتىنىڭ اسپيرانتۋراسىندا وقىپ جۇرگەندە ءلايلا مۇحتارقىزى اۋەزوۆامەن جانە ءشامشيابانۋ قانىشقىزى ساتپاەۆامەن جاتاقحانادا ءبىر بولمەدە تۇرعان. سول كەزدە زاڭعار جازۋشى مۇحتار اۋەزوۆپەن تانىسىپ, اڭگىمەسىن تىڭداعان. سونداي-اق ءازيزا نۇرماحانوۆانىڭ قاراقالپاق اكسر- نىڭ وقۋ ءمينيسترى بولعانىن دا ايتا كەتەيىك. كورنەكتى عالىمدى ەلىمىزگە سول كەزدەگى رەسپۋبليكا باسشىسى د.قوناەۆتىڭ ءوزى شاقىرعان.
سونىمەن بىرگە كەشتە اسا دارىندى اقىن تولەگەن ايبەرگەنوۆتىڭ قىزى سالتانات ايبەرگەنوۆا ءازيزا اپاي مەن اكەسىنىڭ تانىستىعى تۋرالى اڭگىمەلەدى. ءازيزا نۇرماحانوۆا جاس اقىنعا كوپ قولداۋ كورسەتىپتى. ال قىزىلوردادان كەلگەن ارداگەر-ۇستاز سارسەككۇل اياپبەرگەنوۆا ستۋدەنت كەزىندە عالىم ۇيىندە تۇرىپ, ول كىسىنىڭ زيالىلارىمەن جاقىن ارالاسىپ, سىيلاسقانىن, سونداي-اق ۇيدە قوناق كۇتۋى مەن ۇلتتىق سالت-ءداستۇردى بەرىك ساقتايتىن قاسيەتى تۋرالى قىزىقتى ەستەلىك ايتتى. ال بەلگىلى قالامگەر, حالىقارالىق «الاش» ادەبي سىيلىعىنىڭ لاۋرەاتى جانار ابدىشەۆا مەن اقىن ايسۇلۋ رۇستەموۆا عيبراتقا تولى عۇمىر كەشكەن عالىم شىعارماشىلىعى تۋرالى پاراساتتى وي تولعادى.
سونداي-اق ءىس-شارا بارىسىندا عىلىم مەن قايراتكەرلىكتى تەڭ ۇستاعان ايتۋلى تۇلعاعا تولەگەن ايبەرگەنوۆ, ءشومىشباي ساريەۆ جانە باۋىرجان جاقىپ سەكىلدى اقىنداردىڭ ارناۋ جىرلارى وقىلدى. كەش سوڭىندا كىتاپحانا باسشىسى تولقىن قۇرامىسوۆا كەلگەن قوناقتارعا ريزاشىلىعىن ءبىلدىرىپ, ەستەلىك سىيلىعىن تابىستادى.
