فوتو: Getty Images
دەپۋتات تاتيانا ساۆەلەۆانىڭ حابارلاۋىنشا, زاڭ جوباسى ۇكىمەتتىڭ 2024 جىلعى 18 قاراشاداعى قاۋلىسىمەن ەنگىزىلگەن. كەلىسىم 2024 جىلدىڭ 11 قازانىندا استانادا جاسالعان.
«حالىقارالىق قايتا قۇرۋ جانە دامۋ بانكىنەن قازاقستان رەسپۋبليكاسىنا 11 جىل وتەۋ مەرزىمىمەن 84,9 ملرد يەن كولەمىندە نەسيە بەرىلدى. نەسيەلىك قاراجاتتار جوسپارلى كەزەڭگە ارنالعان رەسپۋبليكالىق بيۋدجەت تاپشىلىعىنىڭ بەكىتىلگەن كولەمى شەگىندە ەل ەكونوميكاسىنىڭ تۇراقتىلىعىن ساقتاۋ ءۇشىن تارتىلادى», دەدى دەپۋتات.
بۇعان دەيىن ازيا دامۋ بانكى قازاقستانعا 15 جىلعا 52,3 ميلليارد يەن نەسيە بەرەتىنىن حابارلاعان ەدىك. سونىمەن قاتار, قازاقستان ازيا ينفراقۇرىلىمدىق ينۆەستيتسيالار بانكىنەن 15 جىلعا تاعى 52,7 ملرد يەن كولەمىندە نەسيە الماقشى.
