سۋرەت: qazdauiri.kz
جوعارعى سوتتىڭ ءباسپاسوز قىزمەتى مالىمدەگەندەي, كونفەرەنتسياعا 5 قۇرلىقتىڭ 53 ەلىنەن 240 دەلەگات قاتىسقان.
ءىس-شارا بارىسىندا ەلدىڭ سوت اكىمشىلىگى مەن حالىقارالىق سوت اكىمشىلىگى قاۋىمداستىعى (IACA) ەكىجاقتى ىنتىماقتاستىقتىڭ جاڭا كەزەڭى تۋرالى مەموراندۋمعا قول قويعان. ءىAسا پرەزيدەنتى لۋيس ماريا پالما مەن قازاقستاننىڭ سوت اكىمشىلىگىنىڭ باسشىسى نايل احمەتزاكيروۆ قول قويعان قۇجات ۇزدىك الەمدىك پراكتيكانى ەنگىزۋگە باعىتتالعان سەرىكتەستىكتى بىلدىرەدى.
ەلدىڭ دەلەگاتسياسى كونفەرەنتسيادا سوت ءىسىن جۇرگىزۋدى تسيفرلاندىرۋ, سوت تورەلىگىنىڭ قولجەتىمدىلىگى مەن پروتسەستەردىڭ اشىقتىعىن ارتتىرۋداعى تاجىريبەلەرىمەن بولىسكەن. ايتا كەتەيىك, وتاندىق ماماندار ازاماتتاردىڭ سوت جۇيەسىنە سەنىمىن نىعايتۋعا كومەكتەسەتىن تەحنولوگيالاردى ەنگىزۋگە ەرەكشە ءمان بەرەدى.
سونداي-اق ءىس-شارا اياسىندا وتاندىق دەلەگاتسيا سينگاپۋر جوعارعى سوتىنىڭ توراعاسى سۋنداراش مەنونمەن كەزدەسكەن. وندا تسيفرلاندىرۋ جانە سوت اكىمشىلىگىن جەتىلدىرۋ سالاسىندا بىرلەسكەن باستامالار تالقىلاندى.
جالپى مەموراندۋمعا قول قويىپ, اتالعان ماڭىزدى ءىس-شارالارعا قاتىسۋ ەلدىڭ وزىق تاجىريبەنى ۇيرەنۋگە جانە حالىقارالىق ىنتىماقتاستىقتى نىعايتۋعا دەن قويعانىن كورسەتەدى.
