كونفەرەنتسيا جۇمىسىنا 5 قۇرلىقتىڭ 53 ەلىنەن 240 قاتىسۋشى قاتىستى. قازاقستاننىڭ سوت اكىمشىلىگى مەن حالىقارالىق سوت اكىمشىلىگى قاۋىمداستىعى (IACA) اراسىنداعى ىنتىماقتاستىقتىڭ جاڭا كەزەڭى تۋرالى مەموراندۋمعا قول قويۋدىڭ ماڭىزى زور بولدى.
ايتا كەتەيىك, MAسا پرەزيدەنتى لۋيس ماريا پالما مەن قازاقستاننىڭ سوت اكىمشىلىگىنىڭ باسشىسى نايل احمەتزاكيروۆ قول قويعان قۇجات ۇزدىك الەمدىك پراكتيكانى ەنگىزۋگە باعىتتالعان سەرىكتەستىكتىڭ كەلەسى كەزەڭىن بىلدىرەدى.
سونداي-اق كونفەرەنتسيا اياسىندا قازاقستان دەلەگاتسياسى سوت ءىسىن جۇرگىزۋدى تسيفرلاندىرۋ, سوت تورەلىگىنىڭ قولجەتىمدىلىگى مەن پروتسەستەردىڭ اشىقتىعىن ارتتىرۋداعى تابىستى تاجىريبەسىمەن ءبولىستى. ازاماتتاردىڭ سوت جۇيەسىنە سەنىمىن نىعايتۋعا كومەكتەسەتىن تەحنولوگيالاردى ەنگىزۋگە ەرەكشە نازار اۋدارىلدى.
ال باعدارلامانىڭ كەلەسى بولىمىندە سينگاپۋر جوعارعى سوتىنىڭ توراعاسى سۋنداراش مەنونمەن كەزدەسۋ ءوتتى. كەلىسسوزدە تسيفرلاندىرۋ جانە سوت اكىمشىلىگىن جەتىلدىرۋ سالاسىنداعى بىرلەسكەن باستامالار تالقىلاندى.
