سۋرەت: primeminister.kz
بيىل حالىقارالىق قارجى ينستيتۋتىمەن ىنتىماقتاستىقتىڭ 30 جىلدىعى اتالىپ وتىلۋدە. ۆيتسە-پرەمەر وسى كەزەڭدە ءارتۇرلى سالالارداعى جوبالاردى قارجىلىق, تەحنيكالىق جانە كونسۋلتاتسيالىق قولداۋ بويىنشا جۇمىستار جۇرگىزىلگەنىنە نازار اۋداردى.
قازىر بانك قاراعاندىدا كوپسالالى ۋنيۆەرسيتەتتىك اۋرۋحانانى سالۋ جانە پايدالانۋ بويىنشا كونسۋلتاتسيالىق قىزمەتتەر كورسەتەدى. سونداي-اق ءمجا قاعيدالارىنىڭ جوباسىن جەتىلدىرۋ بويىنشا تەحنيكالىق كومەك كورسەتىلەدى. قاناتقاقتى جوبا رەتىندە الماتىدا ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى ءۇشىن 5 ستۋدەنتتىك جاتاقحانا سالۋ كوزدەلگەن.
مەملەكەت باسشىسىنىڭ تاپسىرماسى بويىنشا ەلىمىزدە ءبىلىم بەرۋ ساپاسىن ارتتىرۋ بويىنشا كەشەندى شارالار ىسكە اسىرىلىپ جاتىر. وندا ينفراقۇرىلىمدى, وقۋ باعدارلامالارىن جەتىلدىرۋ, پەداگوگتەردىڭ بىلىكتىلىگىن ارتتىرۋ كوزدەلگەن. پرەزيدەنت قويعان مىندەتتەردىڭ ءبىرى – 1 300 مەكتەپتى كۇردەلى جوندەۋدەن وتكىزۋ. عيماراتتاردى جوندەۋدەن باسقا, ولاردى زاماناۋي وقۋ كابينەتتەرىمەن جاراقتاندىرۋ كوزدەلەدى. ت.دۇيسەنوۆا ازيا دامۋ بانكىنىڭ وكىلدەرىن وسى باعىتتا بىرلەسىپ جۇمىس ىستەۋگە شاقىردى. كەزدەسۋ بارىسىندا قارجى ينستيتۋتىنىڭ قاتىسۋى مۇمكىندىگى بويىنشا پىكىر الماسىلدى.
ازيا دامۋ بانكىنىڭ وكىلدەرى الەۋمەتتىك سالاداعى ىنتىماقتاستىقتى كەڭەيتۋگە دايىن ەكەندىكتەرىن ءبىلدىردى. تاراپتار ۇسىنىلعان جوبالاردى ءتيىستى سالالىق مينيسترلىكتەرمەن تىعىز قارىم-قاتىناستا قاراستىرۋعا ۋاعدالاستى.
