پالاتا سپيكەرى ماشينا جاساۋدى دامىتۋدىڭ زاڭنامالىق نەگىزدەرى تاقىرىبىنا ارنالعان دوڭگەلەك ۇستەل جيىنىنا قاتىستى, سونداي-اق وڭىردەگى شويىن قۇيۋ, اۆتوموبيل زاۋىتتارى مەن باسقا دا ءىرى كاسىپورىنداردىڭ ۇجىمدارىمەن كەزدەستى.
م.اشىمباەۆ دوڭگەلەك ۇستەلگە قاتىسۋشىلارعا ءىلتيپات بىلدىرە كەلىپ, مەملەكەت باسشىسى ەلىمىزدە ساپالى ەكونوميكالىق ءوسىمدى قامتاماسىز ەتۋ ءۇشىن ماڭىزدى مىندەتتەر جۇكتەگەنىن اتاپ ءوتتى. وسى ورايدا وڭدەۋ ونەركاسىبى, ونىڭ ىشىندە جوعارى شەكتى جانە قوسىلعان قۇنى جوعارى سەكتور رەتىندە ماشينا جاساۋ سالاسى ەرەكشە ءرول اتقارادى. سوندىقتان وتىرىس بارىسىندا ماشينا جاساۋ ىسىندەگى وزەكتى پروبلەمالار كوتەرىلدى. ولاردىڭ قاتارىندا قولجەتىمدى ءارى ۇزاقمەرزىمدى قارجىلاندىرۋدىڭ بولماۋى, شيكىزاتتىڭ قىمباتتىعى, يمپورتقا تاۋەلدىلىك, وندىرىسكە جاڭا تەحنولوگيالاردى ەنگىزۋ سياقتى ماسەلەلەر بار. اتالعان تۇيتكىلدەردى وڭ شەشۋ ءۇشىن الدىمەن بارلىق مۇددەلى تاراپتىڭ كۇش-جىگەرىن ورتاق ىسكە جۇمىلدىرۋ قاجەت.
«قولجەتىمدى ءارى ۇزاقمەرزىمدى قارجىلاندىرۋدىڭ جەتكىلىكسىز بولۋى ماشينا جاساۋ سالاسىنىڭ دامۋىن تەجەيدى جانە ونىڭ الەۋەتىن تولىق ىسكە اسىرۋعا مۇمكىندىك بەرمەيدى. بۇل جابدىق جاڭعىرتۋعا, جاڭا تەحنولوگيالاردى ەنگىزۋگە جانە شىعارىلاتىن ءونىم جەلىسىن كەڭەيتۋگە ينۆەستيتسيا سالۋ ءۇشىن ماڭىزدى. تاعى ءبىر ماسەلە – اليۋميني, مىرىش, مىس, قورعاسىن سياقتى جەتكىزىلەتىن شيكىزاتتىڭ قىمبات جانە شەكتەۋلى بولۋى. ولاردىڭ ءتىزىمىن كەڭەيتۋ كەرەك. سونداي-اق بىرقاتار كومپانيا يمپورتتىق جابدىقتار مەن تەحنيكا ساتىپ الۋدى ءجون كورەدى. بۇل ەلدەن كاپيتالدىڭ كەتۋىنە اكەلىپ سوعادى جانە وزدەرىنىڭ وندىرىستىك قۋاتىنىڭ دامۋىن تەجەيدى. وسى ماسەلەلەردى شەشۋ ءۇشىن ءبىز زاڭدارعا تولىقتىرۋلار ەنگىزۋ ماسەلەسىن قاراستىرامىز. بۇل ىستە وتاندىق ءونىمنىڭ ساپاسى مەن باسەكەگە قابىلەتتىلىگىن ارتتىرۋ, ساتىپ الۋ جۇيەسىن جەتىلدىرۋ جانە وتاندىق تاۋارلاردى ىشكى نارىقتا بەلسەندى ىلگەرىلەتۋ دە ماڭىزدى شارا ەكەنىن اتاپ وتكەن ءجون», دەدى م.اشىمباەۆ.
ول ءماسليحات دەپۋتاتتارىمەن جانە ءوڭىر جۇرتشىلىعىمەن كەزدەسۋ بارىسىندا قوستاناي وبلىسىنىڭ ونەركاسىپتىك الەۋەتىنە نازار اۋدارىپ, سەنات دەپۋتاتتارى زاڭنامالىق دەڭگەيدە قولداۋ كورسەتۋگە دايىن ەكەنىن جەتكىزدى. اتاپ ايتقاندا, ءىس-شارادا ونەركاسىپتىك, يندۋستريالىق ءوندىرىستى ۇلعايتۋعا جانە اگرارلىق سەكتوردى دامىتۋعا ارنالعان جوبالاردى قولداۋ ماسەلەسى كەڭىنەن ءسوز بولدى.
«پرەزيدەنت قاسىم-جومارت توقاەۆ ءوز جولداۋىندا ايماقتاردىڭ ءوسىپ-وركەندەۋىنە جول اشاتىن جاڭا ءوندىرىس ورىندارىن دامىتۋدىڭ ماڭىزدى ەكەنىن ايتتى. قوستاناي وبلىسى ايتارلىقتاي ونەركاسىپتىك الەۋەتكە يە. ونىڭ ىشىندە تاۋ-كەن جانە ماشينا جاساۋ سالالارى ەرەكشە ءرول اتقارادى. وڭىردە كوپتەگەن ماڭىزدى يندۋستريالىق جوبا تابىستى جۇزەگە اسىرىلىپ جاتىر. قوستاناي وبلىسىنىڭ شارۋالارى ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە جانە ءداندى داقىلداردىڭ جوعارى ونىمدىلىگىنە قول جەتكىزۋگە ەلەۋلى ۇلەس قوسىپ كەلەدى. الداعى ۋاقىتتا پارلامەنت سەناتى تاراپىنان وبلىستىڭ ودان ءارى دامۋىنا قولداۋ كورسەتۋدى جالعاستىرا بەرەمىز», دەدى سەنات توراعاسى.
سونىمەن قاتار كەزدەسۋدە مەملەكەت باسشىسى ءماسليحاتتار دەپۋتاتتارىنىڭ ءىى رەسپۋبليكالىق فورۋمىندا ايتقان باستامالاردى ءتيىمدى ىسكە اسىرۋ ءۇشىن بارلىق دەڭگەيدەگى دەپۋتاتتاردىڭ ءوزارا ءىس-قيمىلىن نىعايتۋ ماڭىزدى ەكەنىنە باسا نازار اۋدارىلدى. م.اشىمباەۆ ارىپتەستەرىن پارلامەنتتىڭ زاڭنامالىق جۇمىسىنا بەلسەندى قاتىسۋعا جانە وڭىرلەردىڭ بەلگىلى ءبىر ماسەلەلەرىن شەشۋ ءۇشىن تۇجىرىمدامالىق ۇسىنىستار ازىرلەۋگە شاقىردى. سونداي-اق ول اعىمداعى سەسسيادا دەپۋتاتتىق كورپۋس بيۋدجەت, سالىق, قۇرىلىس, سۋ كودەكستەرىمەن, بانكتەر تۋرالى جاڭا زاڭمەن جانە تسيفرلىق كودەكسپەن جۇمىس ىستەيتىنىن ايتتى.
ء«ماسليحاتتار زاڭنامالىق نورمالاردى, اتاپ ايتقاندا, سالىق زاڭناماسىن تالقىلاۋعا ءارى ازىرلەۋگە بارىنشا بەلسەندى قاتىسۋى قاجەت. بۇل رەتتە سالىق ساياساتى الەۋمەتتىك پروبلەمالاردى شەشۋدىڭ جانە ەكونوميكالىق ءوسۋدى ىنتالاندىرۋدىڭ ءتيىمدى تەتىگى بولۋعا ءتيىس. ءبىزدىڭ مىندەتىمىز – اگروسەكتور سالاسىنداعى شارۋالاردىڭ مۇددەلەرىن ەسكەرەتىن, ءارى قاراي دامۋىنا ىقپال ەتەتىن جانە ولاردىڭ ازىق-ت ۇلىك قاۋىپسىزدىگىنە قوسقان ۇلەسىن قولدايتىن تەڭگەرىمدى سالىق زاڭناماسىن قۇرۋ. سونداي-اق پرەزيدەنت اتاپ وتكەندەي, ءماسليحاتتار وڭىرلەردەگى ماڭىزدى مىندەتتەردى ءتيىمدى ىسكە اسىرا الاتىن قوعامدىق ساياساتكەرلەردىڭ جاڭا تولقىنىن قالىپتاستىرۋ ورتالىعىنا اينالۋعا ءتيىس. سوندىقتان ازاماتتاردىڭ ءال-اۋقاتىن ارتتىرۋعا, وڭىرلەردىڭ پروبلەمالارىن شەشۋگە ىقپال ەتە وتىرىپ, بەلسەندى جۇمىس ىستەيمىز», دەدى م.اشىمباەۆ.
سونىمەن قاتار ساپار اياسىندا سەنات توراعاسى ءKىا اۆتوموبيلدەرىن شىعاراتىن زاۋىت قۇرىلىسىنىڭ بارىسىمەن تانىستى. بۇعان قوسا «KamLitKZ» جشس تەمىر قۇيۋ زاۋىتىنا, «سارىارقااۆتوپروم» جانە Agromash كاسىپورىندارىنا ارنايى باردى.
سەناتورلار بالالارعا ارنالعان «Iqostanay» SMART-ورتالىعىنىڭ شاكىرتتەرىمەن دە كەزدەستى. وندا قازىرگى تاڭدا 2 مىڭعا جۋىق وقۋشى قوسىمشا ءبىلىم الىپ كەلەدى. ورتالىقتا 24 ۇيىرمە جۇمىس ىستەيدى جانە زاماناۋي تەحنولوگيالىق قۇرالدارمەن جابدىقتالعان كيبەرسپورت, ينجەنەريا, اۆيامودەلدەۋ كابينەتتەرى, حيميا جانە فيزيكا زەرتحانالارى, جاڭارتىلاتىن ەنەرگيا كوزدەرىنە ارنالعان زەرتحانا, اكت, وقۋ, حورەوگرافيا زالدارى بار.
