استاناعا ارنايى كورمە ءۇشىن لوندوننان ەكى توننا ەكسپونات جەتكىزىلگەن. ونىڭ ىشىندە مەتالل ينستاللياتسيالار مەن مۇسىندەر, كەنەپ سۋرەتتەر, بەينەپاننولار بار.
«مەنىڭ شىعارماشىلىعىم – الەمنىڭ شەكسىز ترانسفورماتسياسىنىڭ كورىنىسى. كورەرمەن ەسكى فورمالاردىڭ جويىلعانىن, جاڭا فورمالاردىڭ پايدا بولىپ, ءتىپتى ەرەكشە دۇنيەگە ۇلاسىپ جاتقانىن كورسە ەكەن» دەيدى كورمە اۆتورى.
يۋنۋس سافارديار – كورولدىك كوركەمسۋرەت اكادەمياسىنىڭ مۇشەسى. ونىڭ كورمەلەرى مەن تۋىندىلارىنىڭ اۋكتسيوندارى 1986 جىلدان بەرى وتكىزىلىپ كەلەدى. ءمۇسىنشىنىڭ شىعارمالارى نيۋ-يورك, لوندون, فلوريدا, سانكت-پەتەربۋرگ, باسقا دا قالالارداعى مۋزەيلەر مەن جەكە كوللەكتسيالاردا ساقتاۋلى تۇر. بىرنەشە جۇمىسى ەڭ كونە اۋكتسيونداردىڭ ءبىرى Sotheby’s-تە ساتىلىپ, ال «ويانۋ» ءمۇسىنى لوندونداعى ايگىلى Regent’s Park-كە كورىك بەرىپ تۇر.
بۇگىنگە دەيىن ۇلتتىق مۋزەيدەگى كورمەنى 3,5 مىڭنان استام ادام تاماشالادى. ەكسپوزيتسيا مۋزەيدىڭ 5-قاباتىنداعى كورمە زالىندا ۇسىنىلعان.
