كونكيمەن جۇگىرۋ: جاپونيانىڭ حاتينوحە قالاسىندا وتكەن ءتورت قۇرلىق چەمپيوناتىندا قازاقستان سپورتشىلارى 1 التىن, 1 كۇمىس, 1 قولا مەدالدەردى جەڭىپ الدى.
مانەرلەپ سىرعاناۋ: Challenger Series ساناتىنا كىرەتىن Tallinn Trophy 2024 (ەستونيا) حالىقارالىق تۋرنيرىندە ۇلتتىق قۇراما سپورتشىسى سوفيا سامودەلكينا قوس باعدارلاما قورىتىندىسى بويىنشا 173,25 ۇپاي جيناپ, كۇمىس جۇلدەگەر اتاندى.
كاراتە: رەسەيدىڭ باس قالاسى ماسكەۋدەگى WKF كاراتەدەن Moscow Karate Universe-2024 حالىقارالىق جارىسىندا قازاقستان سپورتشىلار 3 التىن, 2 كۇمىس, 3 قولا مەدالدەردى يەلەندى.
فريستايل-موگۋل: اۋستريانىڭ حينتەرتۋكس تاۋ شاڭعى كۋرورتىندا ۇيىمداستىرىلعان فريستايل-موگۋلدان حالىقارالىق تۋرنيردە قازاقستان قۇراماسىنىڭ سپورتشىلارى ەل قورجىنىنا 4 التىن, 1 كۇمىس, 1 قولا مەدالدەردى سالدى.
بادمينتون: Zambia International Challenge 2024 (زامبيا) حالىقارالىق ءتۋرنيرىنىڭ جەكەلەي سىنىندا دميتري پانارين ۇزدىك شىقتى. ول 2022 جىلى دا وسى ءتۋرنيردىڭ جەكەلەي سىنىندا چەمپيون اتانعان.
تەننيس: بيللي دجين كينگ كۋبوگى شەڭبەرىندە قازاقستان قىزدار قۇراماسى استانا قالاسىندا كورەيا سپورتشىلارىن 3:1 كورسەتكىشىمەن ۇتتى. وسىلايشا, كەلەسى جىلى ءساۋىر ايىندا وتەتىن ءتۋرنيردىڭ ىرىكتەۋ كەزەڭىنە جولداما الدى.
ۇستەل تەننيسى: الان قۇرمانعاليەۆ يتاليانىڭ لينيانو قالاسىندا ءوتىپ جاتقان WTT Youth Contender ءتۋرنيرىنىڭ قولا جۇلدەگەرى اتاندى.
