اكىمنىڭ ايتۋىنشا, ماڭعىستاۋ اۋدانىنىڭ ورتالىعىندا تۇتاس ءبىر شاعىن اۋدان بوي كوتەرىپ كەلەدى. اتالعان اۋداندا 800 جەر ورىنعا ينفراقۇرىلىم تولىق جۇرگىزىلدى. جاڭا اۋداندا بيىل «جايلى مەكتەپ» جوباسى اياسىندا 600 ورىندىق مەكتەپ پەن دارىگەرلىك امبۋلاتوريا عيماراتى سالىنىپ جاتىر. ودان بولەك, مۇندا سالۋعا جوسپارلانعان 600 ورىندىق مادەنيەت ءۇيى, سپورت كەشەنى, پوليتسيا, پروكۋراتۋرا, سوت, مۇراعات, قورعانىس ىستەرى, وقۋشىلار سارايى, اكىمدىك عيماراتتارى قۇرىلىستارىنىڭ جوبالىق-سمەتالىق قۇجاتتامالارى دايىندالۋ ۇستىندە.
مەملەكەت باسشىسىنىڭ تاپسىرماسىنا سايكەس اۋداندا جاڭا ءبىلىم نىساندارىنىڭ قۇرىلىسى قارقىندى جۇرگىزىلىپ جاتىر. بيىل بەكى اۋىلىندا العاش رەت 100 ورىندىق مەكتەپ اشىلدى.
مادەنيەت, سپورت سالاسىندا دا بىرقاتار وڭ وزگەرىس بولدى. اۋىل ونەرپازدارىن گاسترولدىك ساپارلارعا تاسىمالداۋعا قولايلى, سىيىمدىلىعى 13 ادامدىق جاڭا اۆتوكولىك پايدالانۋعا بەرىلدى. سونداي-اق اۋداننىڭ 12 اۋىلىندا اشىق سپورت, بالالاردىڭ ويىن, ۆوركاۋت الاڭدارىن سالۋ جۇمىستارى ءجۇرىپ جاتىر.
ماڭعىستاۋ اۋدانىنىڭ نەگىزگى الەۋمەتتىك-ەكونوميكالىق سالاسى – اۋىل شارۋاشىلىعى. قازىر اۋداندا 578 شارۋا قوجالىعى مەن 531 مال شارۋاشىلىعى تىركەلگەن. اتالعان اۋدان وبلىس كولەمىندەگى تۇيە باسىنىڭ 40%-ىن قامتيدى, بۇل جىلىنا شامامەن 20 مىڭ توننا تۇيە ءسۇتىن وندىرۋگە مۇمكىندىك بەرەدى. «اۋىل اماناتى» جوباسى اياسىندا تۇيە ءسۇتىن ءوندىرۋدى ۇلعايتۋ ماقساتىندا 10 جوبا ۇسىنىلعان. سونىمەن قاتار اۋداندا 3 ينۆەستيتسيالىق جوبا قولعا الىنعان. جوبا قۇنى 864 ملن تەڭگەنى قۇرايتىن «كارات» جشس باستاماسىمەن اۋىزسۋ شىعارۋ تسەحىنىڭ قۇرىلىسى جۇرگىزىلىپ جاتىر. تسەح قۇرىلىسى اياقتالعاننان كەيىن 35 ادام تۇراقتى جۇمىس ورنىمەن قامتىلادى. ال 2025 جىلى «Caspiy Milk» جشس مەن «Mangystau Milk» جشس تۇيە سۇتىنەن ۇنتاقتالعان ءسۇت ءونىمىن ءوندىرۋ ورىندارىن ىسكە قوسپاق.
كەزدەسۋدە وبلىس اكىمى نۇرداۋلەت قيلىباي اتالعان اۋدانعا قاراستى وندى اۋىلىن رەسپۋبليكا دەڭگەيىندە ەڭ ۇلگىلى اۋىلعا اينالدىرۋدى ۇسىندى.
«حالىق جازۋشىسى ءابىش كەكىلباەۆ تۋعان وندى اۋىلىندا كەيىنگى جىلدارى بىردە-ءبىر قۇقىق بۇزۋشىلىق تىركەلمەگەن. اۋىلدا اراق-شاراپ ساتىلمايدى. مۇندا ءبىر مىڭ ءتۇپ جەمىس اعاشى ەگىلگەن باق بار. سوندىقتان وندىنى اقمولا وبلىسىنداعى رودينا اۋىلى سياقتى ۇلگىلى اۋىل قاتارىنا قوسۋدى كوزدەپ وتىرمىز. بۇگىندە اۋىلدى كوركەيتۋ ماقساتىندا ارنايى جوسپار جاسالىپ جاتىر», دەدى نۇرداۋلەت قيلىباي.
كەزدەسۋ بارىسىندا جەرگىلىكتى تۇرعىندار مەكتەپ تاپشىلىعى, اتشابار الاڭىنىڭ سالىنۋى, قوعامدىق كولىك قاجەتتىلىگى, كارەرلەر مەن قوسبۇلاق اۋىلىنىڭ ماسەلەلەرى تۋرالى سۇراقتار قويدى. سونداي-اق مال شارۋاشىلىعى, دەنساۋلىق ساقتاۋ, ءبىلىم, سپورت سالالارىن دامىتۋ جونىندە دە ۇسىنىستار ايتىلدى. بەس ساعاتقا سوزىلعان كەزدەسۋدە ايتىلعان وتىنىشتەر مەن قويىلعان سۇراقتارعا جاۋاپ بەرگەن وبلىس اكىمى جاۋاپتى سالا باسشىلارىنا تۇيتكىلدى ماسەلەلەردى ناقتىلى شەشۋدى تاپسىردى.
كەزدەسۋدەن كەيىن وبلىس اكىمى جەكە ماسەلەلەرىمەن تىركەلگەن اۋدان ازاماتتارىن قابىلدادى.
ماڭعىستاۋ اۋدانى – جارقىن, جۇيەلى جۇمىستاردى جاقسى جولعا قويعان, ماسەلەلەردى تياناقتى شەشىپ, تىڭعىلىقتى ءىس اتقارىپ كەلە جاتقان, وزىق ىسىمەن ۇلگى اۋدان. اۋداندا اتقارىلعان ناتيجەلى ىستەر مەن جوسپارلانعان شارۋالار از ەمەس, ولاردىڭ بىرقاتارى جوعارىدا ايتىلدى. بۇل – بار قاجىر-قايراتىن, ءبىلىم-بىلىگىن ەل يگىلىگىنە ارناعان جاناشىر جانداردىڭ تاباندى جۇمىسىنىڭ جەمىسى.
ماڭعىستاۋ وبلىسى
