ۇلت ونەرىنىڭ مەرەكەسى

سەكسەن جىلدا كونسەرۆاتوريا ەلىمىزدىڭ الەمگە تانىتقان مۋزىكانتتاردىڭ بىرنەشە بۋىنىن تاربيەلەپ شىعارعان ورداعا اينالدى. قارا شاڭىراق تۇلەكتەرىنىڭ اراسىندا بيبىگۇل تولەگەنوۆا, الىبەك دىنىشەۆ, يۋري كلۋشكين, الان بورىباەۆ, بايعالي سەركەباەۆ, مەدەت شوتاباەۆ سياقتى قازاقستاننىڭ حالىق ارتىستەرى, ەڭبەك سىڭىرگەن قايراتكەرلەرى مەن دارىندى مۋزىكانتتار بار.

كونسەرۆاتوريا 25 قاراشا مەن 2 جەلتوقسان ارالىعىندا وتەتىن مەرەيتويلىق مارافونعا بارشا كورەرمەنىن شاقىرادى. كۇن سايىن وتاندىق مۋزى­كانىڭ باي تاريحى, زاماناۋي جەتىستىكتەرى كورسەتىلەدى. باع­دارلامادا حالىقارالىق كون­فەرەنتسيا, كورمەلەر جانە باسقا دا كوپتەگەن ءىس-شارالار جوسپارلانعان.

ەلىمىزدىڭ جەتەكشى مۋزىكانتتارى تاجىريبەسىن ءبولىسۋ ءۇشىن شەبەرلىك ساباقتارى مەن كەزدەسۋلەر وتكىزەدى. ولاردىڭ قاتارىندا قازاقستاننىڭ حالىق ءارتىسى ايمان مۇساقوجاەۆا, رەسەي سكريپكاشىسى نازار كو­جۋحار, دارىندى ديريجەرلار الان بورىباەۆ پەن ابزال مۋحيتدينوۆ, قازاقستاننىڭ ەڭبەك سىڭىرگەن قايراتكەرى نۇر­لان يزمايلوۆ, تاعى باس­قالارى بار.

مەرەيتويلىق مارافون 3 جەلتوقسان كۇنى رەسپۋبليكا سا­رايىندا وتەتىن گالا-كونتسەرت­پەن قورىتىندىلانادى. ەلى­مىزدىڭ ەڭ بەدەلدى ساحناسىندا كون­سەرۆاتوريانىڭ شى­عار­ما­شىلىق ۇجىمدارى – وركەسترلەر, انسامبلدەر, حور جانە سوليس­تەر, سونداي-اق قوناق رەتىندە شا­قىرتىلعان ارتىستەر جينالادى. بۇل كەش ۇرپاقتار اراسىنداعى باي­لانىس­تى, مۋزىكالىق داس­تۇر­لەردىڭ باي­لىعى مەن وتاندىق ونەردىڭ زاماناۋي ۇلگىسىن كور­سە­تەتىن مەرەيتويدىڭ قورى­تىن­دىسى بولماق.