فوتو: اشىق دەرەككوز
قىلمىستىق ىستەر جونىندەگى اۋدانارالىق سوتى پارا الۋ ءىسى بويىنشا ءتورت ايىپتالۋشىعا قاتىستى قىلمىستىق ءىستى قارادى.
حابارلانعانداي, سوتتالۋشىلار ت. جانە ت. قك-ءنىڭ 366-بابىنىڭ 3-بولىگىنىڭ 2) تارماعىمەن (ادامدار توبىنىڭ الدىن الا ءسوز بايلاسۋىمەن مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام بولا تۇرا ايتارلىقتاي مولشەردە پارا الۋ) ايىپتالعان.
ال سوتتالۋشى م. قك-ءنىڭ 368-بابىنىڭ 2-بولىگىمەن (پاراقورلىققا بىرنەشە رەت دەلدال بولۋ, ياعني پارا بەرۋشiگە جانە پارا الۋشىعا ولاردىڭ اراسىنداعى پارا الۋ جانە بەرۋ تۋرالى كەلىسىمگە قول جەتكiزۋگە جانە ونى iسكە اسىرۋعا ىقپال ەتۋ) ايىپتالعان. سوتتالۋشى ا. قك-ءنىڭ 367-بابىنىڭ 2-بولىگىمەن (مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام بولا تۇرا ايتارلىقتاي مولشەردەردە پارا بەرۋ) ايىپتالعان.
«ت. «شىمكەنت قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى» رمم-ءنىڭ باسشىسى جانە ت. پەرسونالدى باسقارۋ قىزمەتىنىڭ باسشىسى بولا تۇرا, ادامدار توبى بولىپ الدىن الا ءسوز بايلاسۋ ارقىلى ا.-نىڭ قىزىن جۇمىسقا ورنالاستىرىپ بەرۋ ءۇشىن 600 000 تەڭگە كولەمىندە ايتارلىقتاي مولشەردە پارا العان. م. «شىمكەنت بولىمشەلىك كولىكتەگى سانيتارلىق-ەپيدەميولوگيالىق باقىلاۋ باسقارماسىنىڭ» باسشىسى بولا تۇرا, ت. مەن ت.-عا 600 000 تەڭگەنى بەرۋدە پاراقورلىققا دەلدال بولعان. سونىمەن قاتار ا., لاۋازىمدى ادامعا دەلدال ارقىلى ايتارلىقتاي مولشەردە پارا بەرگەن. سوتتالۋشىلاردىڭ كىناسى وزدەرىنىڭ جاۋاپتارىمەن, زاتتاي دالەلدەمەلەرمەن جانە باسقا دا ءىس بويىنشا جيناقتالعان دالەلدەمەلەردىڭ جيىنتىعىمەن تولىق دالەلدەنەدى», دەلىنگەن حابارلامادا.
پروكۋرور سوتتالۋشىلارعا باس بوستاندىعىنان ايىرۋ جازاسىن تاعايىنداۋدى سۇراعان. سوتتالۋشىلار كىنالارىن مويىنداپ, ىستەگەن ءىس-ارەكەتتەرىنە شىنايى وكىنىش ءبىلدىرىپ, باس بوستاندىعىنان ايىرمايتىن جازا تاعايىنداۋدى وتىنگەن.
«سوت سوتتالۋشىلاردىڭ قىلمىستىق جاۋاپكەرشىلىكتى جەڭىلدەتەتىن ءمان-جايلار رەتىندە ىستەگەن ءىس-ارەكەتتەرىنە شىنايى وكىنىش بىلدىرگەنىن, جاۋاپكەرشىلىكتى اۋىرلاتاتىن ءمان-جايلار انىقتالماعانىن ەسكەردى. سوت ت.-نى قك-ءنىڭ 366-بابىنىڭ 3-بولىگىنىڭ 2) تارماعىمەن كىنالى دەپ تانىپ, 6 جىلعا باس بوستاندىعىنان ايىرۋ جازاسىن تاعايىندادى. ت.-نى قك-ءنىڭ 366-بابىنىڭ 3-بولىگىنىڭ 2) تارماعىمەن كىنالى دەپ تانىپ, 21 000 000 تەڭگە مولشەرىندە ايىپپۇل جازاسىن تاعايىندادى. م.-نى قك-ءنىڭ 368-بابىنىڭ 2-بولىگىمەن كىنالى دەپ تانىپ, 9 000 000 تەڭگە مولشەرىندە ايىپپۇل جازاسىن تاعايىندادى. ا.-نى قك-ءنىڭ 367-بابىنىڭ 2-بولىگىمەن كىنالى دەپ تانىپ, 12 000 000 تەڭگە مولشەرىندە ايىپپۇل جازاسىن تاعايىندادى», دەلىنگەن حابارلامادا.
سوت ۇكىمى زاڭدى كۇشىنە ەنگەن جوق.
