فوتو: Polisia.kz
اباي اۋدانىنىڭ زاتون پوليتسيا بولىمىندە جاڭا كيبەرورتالىقتىڭ سالتاناتتى اشىلۋى ءوتتى. ءىس-شارا قوناقتارى زاماناۋي جابدىقتاردى جانە ورتالىقتىڭ جۇمىسىن ۇيىمداستىرۋداعى بىرەگەي ءادىستى باعالادى.
بۇل ورتالىق ينتەرنەت الاياقتىق, حاكەرلىك شابۋىلدار, جەكە مالىمەتتەردىڭ ۇرلانۋى جانە زياندى باعدارلامالىق قامتاماسىز ەتۋدىڭ تارالۋى سياقتى قاۋىپتەرمەن كۇرەسۋگە باعىتتالعان. 2024 جىلى وبلىستا ينتەرنەت الاياقتىقتىڭ 597 جاعدايى تىركەلىپ, ونىڭ 78 ءىسى سوتقا جىبەرىلگەن.
ايتا كەتەيىك, جوبا Alikhan Bokeikhan University-ءدىڭ قۇقىق فاكۋلتەتىنىڭ قىلمىستىق-قۇقىقتىق پاندەر كافەدراسىنىڭ قولداۋىمەن جۇزەگە اسىرىلعان. ول 25 كاسىبي پوليتسيا قىزمەتكەرى مەن ستۋدەنتتەردىڭ كۇش-جىگەرىن بىرىكتىرىپ, ولاردىڭ بىلىمدەرىن پراكتيكادا قولدانۋعا مۇمكىندىك بەرەدى.
«كيبەرورتالىقتىڭ قۇرىلۋى – كيبەرقاۋىپتەر ءوسىپ جاتقان زاماندا قاجەت قادام. ءبىز ەندى تسيفرلىق ورتاداعى قاۋىپ-قاتەرلەرگە جەدەل ارەكەت ەتىپ, ازاماتتارىمىزدىڭ قاۋىپسىزدىگىن قامتاماسىز ەتۋگە دايىنبىز», دەدى پد باستىعىنىڭ ورىنباسارى ەلدوس زاكيموۆ.
جيىندا اباي وبلىسى پوليتسيا دەپارتامەنتىنىڭ باستىعى بەكتورە سۇلتان مەن Alikhan Bokeikhan University پرەزيدەنتى شىرىن قۇرمانباەۆا ىنتىماقتاستىق تۋرالى مەموراندۋمعا قول قويدى. بۇل قادام ءبىلىم بەرۋ مەكەمەلەرى مەن قۇقىق قورعاۋ ورگاندارى اراسىنداعى سەرىكتەستىكتى نىعايتىپ, بىلىكتى مامانداردى دايارلاۋ ءۇشىن جاعداي جاسايدى.
«كيبەرورتالىق ءبىزدىڭ ستۋدەنتتەر ءۇشىن جاڭا مۇمكىندىكتەرگە جول اشادى. مۇنداي جاعدايدا تاجىريبەلىك جۇمىس جۇرگىزۋ تسيفرلىق الەمگە قاجەتتى ناعىز مامانداردى دايارلاۋعا مۇمكىندىك بەرەدى», دەدى شىرىن قۇرمانباەۆا.
