گەندەرلىك ساراپتاما جاسالادى

وقىتۋدى قازاقستانداعى بۇۇ-ايەل­دەر قۇرىلىمى مادەنيەت جانە اق­پارات مينيسترلىگى جانە قازاقستان قوعامدىق دامۋ ينس­تيتۋتىمەن بىرلەسىپ, پرە­زيدەنت جانىنداعى ايەلدەر ىستەرى جانە وتباسىلىق-دەموگرا­فيالىق ساياسات جونىندەگى ۇلت­تىق كوميس­سيانىڭ قولداۋىمەن ۇيىمداستىردى. قاتىسۋشىلار حالىقارالىق قۇقىق ستاندارتتارى, گەندەرلىك تەڭدىك, گەندەرلىك مەينستريمينگ جانە نورماتيۆتىك قۇجاتتاردا قولدانۋعا ارنالعان تەرمينولوگيانى تالدادى. ترە­نينگتى گەندەرلىك تالداۋ سا­لاسىنىڭ ساراپشىسى, نور­­ما­تيۆتىك اكتىلەرگە ارنال­عان گەندەر­لىك ساراپتاما ادىس­تەمەلەرىنىڭ اۆتو­رى, حەلسينكي ۋنيۆەرسيتەتى­نىڭ پروفەس­سورى مارياننا مۋراۆەۆا جۇرگىزدى.

– ايەلدەردىڭ قۇقىقتارى مەن مۇمكىندىكتەرىن كەڭەي­تۋ ماسەلەسى – ەلىمىزدە عانا ەمەس, جالپى بۇكىل الەمدە اسا ماڭىزدى تاقىرىپتاردىڭ ءبىرى. ءبىز بۇل ماسەلەنى تەك قۇقىق­تىق تۇرعىدان ەمەس, سونداي-اق الەۋمەتتىك-ەكونوميكا­^­لىق, مادەني اسپەكتى رەتىندە دە قاراستىرۋىمىز قاجەت. جال­پى ەلىمىزدە ايەلدەردىڭ قۇقىقتارىن قور­عاۋ مەن بىلىكتىلىگىن ارتتىرۋدى قامتا­ماسىز ەتۋ باعىتىندا مەملەكەت باس­شى­سىنىڭ ساياسي شەشىمىمەن بىرقاتار ماڭىز­دى قادام جاسالىپ جاتىر. ماسە­لەن, وسى جىلى قابىلدانعان ايەل­د­ەردىڭ قۇقىقتارىن قورعاۋ جانە بالا­لاردىڭ قاۋىپسىزدىگىن ساق­تاۋ تۋرالى زاڭ, گەندەرلىك ساياسات جۇرگىزۋگە باعىت­تالعان جاڭا بىرقاتار رەفورما وسى­­عان دالەل بولا الادى. ايەلدەر­دىڭ ساياسات­قا ارالاسۋى – تەك گەندەرلىك تەڭدىك ما­سەلەسىن ەمەس, ەلدىڭ بولاشاعىن انىق­تاي­تىن ماڭىزدى فاكتورلاردىڭ ءبىرى. بۇعان كوپتەگەن زەرتتەۋ نەگىز بولا الادى. سوندىقتان ساياساتقا كەلەتىن ايەل­دەر­دىڭ بىلىكتىلىگىن ارتتىرۋ قاجەت, – دەدى ءما­جىلىس دەپۋتاتى جۇلدىز سۇلەيمەنوۆا.