مادەنيەت جانە اقپارات مينيسترلىگى ءدىن ىستەرى كوميتەتىنىڭ ارنايى جوباسى شەڭبەرىندە, ءدىن ىستەرى باسقارماسىنىڭ قولداۋىمەن بەكىتىلگەن جوسپار بويىنشا وسى جىلدىڭ 28 قازان - 1 قاراشا كۇندەرى ارالىعىندا وتكىزىلگەن ءىس-شارالارعا رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى قاتىستى. اتاپ ايتقاندا, ولار اتىراۋ وبلىسى, «شاپاعات» ددا جاپا شەككەندەرگە كومەك ورتالىعى» قق تەولوگ مامانى نۋرگاليەۆا ايناگۋل يزتەلەۋوۆنا, استانا قالاسى «دىندەردى زەرتتەۋ ورتالىعى» جشس تەولوگ مامانى قوجاحمەتوۆا تالشىن زارقىمقىزى, «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى» كەاق ءدىني احۋالدى تالداۋ جانە مونيتورينگ دەپارتامەنتى, فيلوسوفيا ع.ك., ديرەكتور مالعاراەۆا زاۋرە بورانقۇلقىزى, اقتوبە وبلىسى «يحسان» ورتالىعىنىڭ تەولوگ مامانى بيسەمباەۆا روزا باقىتقىزى.
ءىس-شارالاردى ۇيىمداستىرۋ بارىسىندا, «قىز تاربيەسى – ۇلت تاربيەسى», «وتباسى مەن مەكتەپتىڭ بالا تاربيەسىندەگى ورنى», «ايەلدەر اراسىندا رۋحاني قۇندىلىقتاردى ءتۇسىندىرۋ جانە ءدىني ساۋاتتىلىقتى ارتتىرۋ», جانە ت.ب. تاقىرىپتار شەڭبەرىندە ورال قالاسىندا جانە سىرىم, اقجايىق, جانىبەك, كازتالوۆ اۋداندارىندا مەشىتتەردەگى ايەلدەر جاماعاتىمەن, تۇزەتۋ مەكەمەسىندەگى جازاسىن وتەۋشى ايەلدەرمەن, جاستارمەن, جەرگىلىكتى تۇرعىندارمەن جانە ت.ب. كەزدەسۋلەر وتكىزىلدى.
