قازاقستان پرەزيدەنتى اتىنا شەتەل مەملەكەتتەرى مەن ۇكىمەتتەرى باسشىلارىنان, حالىقارالىق جانە مەملەكەتارالىق ۇيىمداردان, ەڭبەك ۇجىمدارىنان, ءمادەنيەت, ءبىلىم جانە سپورت سالاسى وكىلدەرىنەن قۇتتىقتاۋ حاتتار لەگى جالعاسۋدا.
اتاپ ايتقاندا, تاتارستان رەسپۋبليكاسىنىڭ پرەزيدەنتى مىندەتىن ۋاقىتشا اتقارۋشى ر.ميننيحانوۆ سايلاۋداعى نۇرسۇلتان نازارباەۆتىڭ جەڭىسى لايىقتى ءارى ماڭىزدى ەكەنىن اتاپ وتكەن.
«الەمگە ءوزىنىڭ بىرلىگىن, بيلىككە دەگەن سەنىمى مەن ءوزىڭىز جۇرگىزىپ وتىرعان «نۇرلى جول» ەكونوميكالىق ساياساتىنا قولداۋىن كورسەتكەن سايلاۋ قورىتىندىلارى ءسىزدىڭ ەلباسى رەتىندەگى بەدەلىڭىزدىڭ بيىك ەكەنىن تاعى دا دالەلدەدى», – دەلىنگەن جەدەلحاتتا.
بۇۇ-نىڭ جەنەۆاداعى بولىمشەسىنىڭ باس ديرەكتورى مىندەتىن اتقارۋشى م.ميوللەر قازاقستان پرەزيدەنتىنىڭ جاڭا مەرزىمگە سايلاۋىن بۇۇ ءبولىمشەسى مەن ءبىزدىڭ ەلدىڭ اراسىنداعى ىنتىماقتاستىقتى جالعاستىرۋعا جانە كەڭەيتۋگە مۇمكىندىك جاسايتىنىنا توقتالعان.
يسپانيانىڭ بۇرىنعى پرەمەر-ءمينيسترى ح.ساپاتەرو نۇرسۇلتان نازارباەۆتى قايتا سايلانۋىمەن قۇتتىقتاپ, ەكى ەل ۇكىمەتتەرىنىڭ جەمىستى ىنتىماقتاستىعىنا توقتالعان جانە ەلىمىزدىڭ گۇلدەنۋىنە تىلەكتەستىك بىلدىرگەن.
ليتۆا رەسپۋبليكاسىنىڭ بۇرىنعى پرەمەر-ءمينيسترى, لاتۆيا حالىقتىق پارتياسىنىڭ قۇرمەتتى توراعاسى ك.پرۋنسكەنە قازاقستان پرەزيدەنتىنىڭ سايلاۋداعى جەڭىسى بۇكىل حالىقتىڭ ءشۇباسىز جەڭىسى ەكەنىن ايتادى.
«ءسىز ءوز ەلىڭىزدىڭ عانا ەمەس, جاقىن مەملەكەتتەردىڭ دە تىرەگى ءارى تۇراقتىلىعىنىڭ كەپىلى بولىپ سانالاسىز. ءسىزدىڭ كورەگەن ساياساتكەر جانە مەملەكەت باسشىسى رەتىندەگى باي تاجىريبەڭىز قازاقستاننىڭ مۇددەسى ءۇشىن, ونىڭ گۇلدەنۋى, سونداي-اق ءبىزدىڭ ەلدەرىمىز بەن حالىقتارىمىزدىڭ اراسىنداعى دوستىق جانە تاتۋ كورشىلىك قارىم-قاتىناستاردى نىعايتۋ ءۇشىن بۇدان ءارى دە قىزمەت ەتە بەرەتىنىنە سەنىمدىمىن», – دەپ جازادى اۆتور.
دۇنيەجۇزىلىك ەكونوميكالىق فورۋمنىڭ نەگىزىن قالاۋشى ءارى توراعاسى ك.شۆاب قازاقستان نۇرسۇلتان نازارباەۆتىڭ باسشىلىعىمەن ءوڭىردىڭ بەيبىتشىلىگى مەن گۇلدەنۋىنە ماڭىزدى ۇلەس قوسىپ جاتقانىن اتاپ وتكەن.
«باستى ماقساتى ەلدى دامىعان 30 مەملەكەتتىڭ قاتارىنا قوسۋ بولىپ وتىرعان «قازاقستان-2050» ستراتەگياسىنىڭ ماڭىزدىلىعىن دۇنيەجۇزىلىك ەكونوميكالىق فورۋم مەن قازاقستاننىڭ اراسىنداعى الداعى جىلدارداعى ىنتىماقتاستىقتى نىعايتۋعا ازىرلىك تۇرعىسىنان اتاپ وتكىم كەلەدى», – دەپ جازادى اۆتور.
يسەسكو باس ديرەكتورى ابدەل ءازيز ءات-تۋەيدجري قازاقستان پرەزيدەنتىنىڭ باسشىلىعىمەن ەلىمىز ورنىقتى دامۋ, گۇلدەنۋ جانە ءال-اۋقاتىن ارتتىرۋ باعىتىندا نىق ءجۇرىپ كەلە جاتقانىن اتاي وتىرىپ, نۇرسۇلتان نازارباەۆقا مىقتى دەنساۋلىق جانە اماندىق تىلەدى.
يسپانيا دەپۋتاتتار كونگرەسىنىڭ توراعاسى ح.مورەنو قازاقستان پرەزيدەنتىنىڭ جاڭا مانداتى ەكى ەل اراسىنداعى قارىم-قاتىناستى ودان ءارى نىعايتۋعا مۇمكىندىك تۋدىراتىنىن اتاپ وتكەن.
«يوببيك» پارتياسىنىڭ جەتەكشىسى گ.ۆونا جانە پارتيانىڭ پارلامەنتتىك توبى جەتەكشىسىنىڭ ورىنباسارى م.ديونديوشي قازاقستاننىڭ ورتالىق ازيا ءوڭىرىنىڭ كوشباسشىسى جانە حالىقارالىق قوعامداستىقتىڭ قۇرمەتتى مۇشەسى بولىپ قالىپتاسۋى جولىنداعى تەڭدەسسىز ىلگەرىلەۋىنە توقتالعان.
«ءبىز قازاقستاننىڭ سوڭعى جيىرما بەس جىلداعى تابىستى دامۋى بارلىق ەلدەر, سونىڭ ىشىندە ۆەنگريا ءۇشىن دە ۇلگى كورسەتىپ, بارشاعا پايداسى زور تاجىريبە بەرەتىنىنە سەنىمدىمىز. ءبىز ەلدەرىمىز الدەقايدا تىعىزىراق قارىم-قاتىناس وربىتەدى جانە قازاقستان ءۇشىن دە, ۆەنگريا ءۇشىن دە كوپتەگەن ارتىقشىلىقتارعا جەتكىزەدى دەپ ۇمىتتەنەمىز», – دەلىنگەن جەدەلحاتتا.
«ەني» كومپانياسىنىڭ باس اتقارۋشى ديرەكتورى ك.دەسكالتسي سايلاۋ ناتيجەسى سەنىم دەڭگەيىنىڭ جوعارىلىعىن, قازاقستان پرەزيدەنتىنىڭ دانا باسشىلىعىمەن جۇزەگە اسىپ جاتقان قازاقستاننىڭ ىشكى جانە سىرتقى ساياساتىن حالىق قولدايتىنىن تاعى دالەلدەگەنىن اتاپ وتكەن.
«ءبىزدىڭ كومپانيا ءوز قىزمەتىن 1992 جىلدان بەرى قازاقستاندا جۇزەگە اسىرىپ جاتقان شەتەلدىك ءىرى ينۆەستور رەتىندە ەلدىڭ ەكونوميكالىق تابىستارىنا ۇلەسىن قوسقانىن ماقتان ەتەدى. ءسىزدىڭ قولداۋىڭىز ارقىلى ىنتىماقتاستىعىمىز جالعاساتىنىنا جانە قازاقستاننىڭ ەكونوميكالىق دامۋىنا سەپتىگىن تيگىزەتىنىنە سەنىمدىمىز», – دەلىنگەن قۇتتىقتاۋدا.
«Consolidated Contractors International» كومپانياسىنىڭ ينجينيرينگ جانە قۇرىلىس جونىندەگى پرەزيدەنتى س.حۋري ءوز قۇتتىقتاۋىندا مەملەكەت باسشىسىنىڭ قۋاتتى ءارى تابىستى قازاقستاننىڭ ءارى قاراي گۇلدەنۋىن قامتاماسىز ەتۋدەگى نەگىزگى ءرولىن اتاپ كورسەتكەن.
«ءسىزدىڭ جاڭعىرۋ مەن مەملەكەتتىلىككە نەگىزدەلگەن ءورشىل رەفورمالاردى جۇزەگە اسىرۋعا ۇمتىلىسىڭىز جۇرتتىڭ كەڭ قولداۋىنا يە بولعانى انىق, بۇعان سىزگە بەرىلگەن داۋىستار سانى دالەل. ءبىز ءسىزدىڭ كوشباسشىلىعىڭىزدى قولدايمىز. ءبىز ءسىزدىڭ ۇلى ەلىڭىزدىڭ بولاشاعىنا قاتىستى كوزقاراسىڭىزدى قۇپتايمىز», – دەلىنگەن حاتتا.
شانحاي ىنتىماقتاستىق ۇيىمىنىڭ وڭىرلىك تەرروريزمگە قارسى قۇرىلىمىنىڭ اتقارۋ كوميتەتىنىڭ ديرەكتورى چ.سينفەن داۋىس بەرۋ قورىتىندىلارى قازاقستان حالقىنىڭ نۇرسۇلتان نازارباەۆ جۇرگىزىپ وتىرعان ىشكى جانە سىرتقى ساياساتتى كەڭىنەن قولدايتىنىن, مەملەكەت پەن قوعامنىڭ ورنىقتى دامۋىن قامتاماسىز ەتۋ ىسىندەگى ەڭبەگىنىڭ مويىندالۋىن, سونداي-اق ەلدىڭ الەمدىك قوعامداستىقتا لايىقتى ورىن الىپ وتىرعانىن دالەلدەيتىنىن اتاپ ايتقان.
ەۋرازيالىق ەكونوميكالىق كوميسسيا القاسىنىڭ توراعاسى ۆ.حريستەنكو داۋىس بەرۋ قورىتىندىلارى قازاقستان ازاماتتارىنىڭ مەملەكەت باسشىسىنا, ونىڭ قىزمەتىنە جانە ەلدى بۇدان ءارى دامىتۋ باعىتىنداعى باستامالارىنا دەگەن سەنىمىنىڭ جوعارى دەڭگەيىن ايقىن كورسەتكەنىن اتاپ وتكەن.
«ءسىز قوعامدىق كەلىسىمنىڭ جەمىستى اتموسفەراسىن قالىپتاستىرىپ, قازاقستان تۇرعىندارىنا ەرتەڭگى كۇنگە دەگەن سەنىم ۇيالاتىپ, ەل دامۋىنىڭ ستراتەگياسىن جاساي الدىڭىز. ءسىزدىڭ كوپجىلدىق تاجىريبەڭىز, جوعارى كاسىبي دەڭگەيىڭىز بەن سارقىلماس قۋاتىڭىز بارشانىڭ شىنايى قۇرمەتىنە لايىق بولا الدى. ءبىز ءوزىمىزدىڭ كۇندەلىكتى جۇمىسىمىزدا ءسىزدىڭ نازارىڭىز بەن قولداۋىڭىزدى سەزىنەمىز دەپ ءسىزدى سەندىرە الامىز جانە الدا دا سولاي بولادى دەپ ۇمىتتەنەمىز», – دەلىنگەن قۇتتىقتاۋدا.
ەۋرازيالىق ەكونوميكالىق كوميسسياسىنىڭ ەنەرگەتيكا جانە ينفراقۇرىلىم جونىندەگى كوميتەتىنىڭ مۇشەسى (مينيستر) ت.مانسۇروۆ مەملەكەت باسشىسىن سايلاۋداعى ايقىن ءارى سەنىمدى جەڭىسىمەن قۇتتىقتاعان.
«قازاقستان حالقى سىزگە – ەلباسىنا سەنىمدى تۇردە داۋىس بەردى, ويتكەنى ءوزىنىڭ قازىرگى جانە بولاشاقتاعى يگىلىگىن ءسىزدىڭ جاسامپاز قىزمەتىڭىزبەن بايلانىستىرادى. قازاقستاندىقتار ءسىزدىڭ قۋاتتى ساياسي ەرىك-جىگەرىڭىز بەن ستراتەگيالىق كورەگەندىگىڭىز الەمگە قازاقستاننىڭ جانە حالقىمىزدىڭ جاڭا بەينەسىن تانىتقانىن ماقتان ەتەدى», – دەپ جازادى ت.مانسۇروۆ.
قازاقستان پرەزيدەنتىنىڭ اتىنا قۇتتىقتاۋلارىن كاسىپوداقتاردىڭ جالپىعا ورتاق كونفەدەراتسياسى وكىلدەرى دە جولداپ, سايلاۋ مەملەكەت باسشىسى ۇستانىپ كەلە جاتقان باعىتقا دەگەن سەنىمىن تاعى دا بىلدىرگەن قازاقستان حالقىنىڭ تاريحي تاڭداۋىنىڭ ايشىقتى دا ايقىن ايعاعى بولعانىن اتاپ وتكەن.
«تمد-داعى كاسىپوداقتار قوزعالىسى ازاماتتاردىڭ تۇرمىس دەڭگەيىن ارتتىرۋ, ەڭبەك ادامدارىن الەۋمەتتىك قورعاۋ, ازاماتتىق قوعامنىڭ ماڭىزدى ينستيتۋتى رەتىندە كاسىپوداقتارمەن تەڭ قۇقىلى ديالوگ وربىتۋدەگى ءسىزدىڭ قامقورلىعىڭىزدى جوعارى باعالايدى. ءسىزدىڭ باسشىلىعىڭىزبەن قازاقستان الدا دا دوستىقتى, مەملەكەتتەردىڭ ءوزارا ءتيىمدى ىنتىماقتاستىعىن دامىتۋ, سونداي-اق جان-جاقتى ىقپالداستىقتى تەرەڭدەتۋ ءىسى بويىنشا وڭىردە جانە الەمدە ماڭىزدى ءرول اتقارا بەرەدى دەپ سەنەمىز», – دەلىنگەن قۇتتىقتاۋدا.
ەۋرازيا مەديتسينالىق وداعىنىڭ توراعاسى ا.ساركيسيان قازاقستان حالقى كورسەتكەن جوعارى سەنىم نۇرسۇلتان نازارباەۆتىڭ دەموكراتيالىق تۇرعىدان دامىعان جانە الەۋمەتتىك جاۋاپتى مەملەكەت قۇرۋ, ورتالىق ازياداعى تۇراقتىلىقتى ساقتاۋ, حالىق دەنساۋلىعىن قورعاۋ ىسىندەگى ەڭبەگىنىڭ مويىندالعاندىعىنىڭ بەلگىسى ەكەنىن ايتادى.
مەملەكەتارالىق اۆياتسيالىق كوميتەت ءتورايىمى ت.انودينا سايلاۋشىلاردىڭ ءبىراۋىزدى قولداۋى نۇرسۇلتان نازارباەۆتىڭ مەملەكەت باسشىسى رەتىندەگى جوعارى قىزمەتىندەگى ەڭبەگىنىڭ مويىندالۋىنىڭ دالەلى ەكەنىن اتاپ وتكەن.
«ءسىزدىڭ الىستى كوزدەگەن جانە بايىپتى باسشىلىعىڭىزدىڭ ارقاسىندا قازاقستان رەسپۋبليكاسى حالىقارالىق قوعامداستىقتىڭ بەدەلدى مۇشەسىنە اينالىپ, قارقىندى دامۋ ۇستىندەگى ەلدەر قاتارىنان لايىقتى ورىن الدى», – دەلىنگەن جەدەلحاتتا.
قورعان وبلىسىنىڭ گۋبەرناتورى ا.كوكورين قورعان وبلىسى ۇكىمەتىنىڭ جانە جەكە ءوزىنىڭ اتىنان قازاقستان پرەزيدەنتىن سايلاۋداعى ايقىن, لايىقتى جەڭىسىمەن شىن جۇرەكتەن قۇتتىقتايتىنىن جەتكىزگەن.
«سىزگە قازاقستانعا جانە ءوز حالقىڭىزعا قىزمەت ەتۋ ىسىندە بۇدان ءارى دە تابىس جانە بارلىق جوسپارلار مەن باستامالارىڭىزدىڭ تولىق جۇزەگە اسۋىن, مىقتى دەنساۋلىق, باقىت, اماندىق تىلەيمىن», – دەلىنگەن جەدەلحاتتا.
جىلى لەبىزدى قۇتتىقتاۋ چەليابى وبلىسىنىڭ گۋبەرناتورى ۆ.دۋبروۆسكيدەن كەلىپ ءتۇستى.
«كوپ جىلدار بويى ءسىز ەلدىڭ ۇدەمەلى دامۋىن قامتاماسىز ەتە وتىرىپ, قازاقستاننىڭ بارشا حالقىنىڭ يگىلىگى جولىنداعى اۋقىمدى مىندەتتەردى ۇدايى تابىسپەن اتقارىپ كەلەسىز. رەسەي مەن باۋىرلاس قازاقستاندى بايلانىستىراتىن تىعىز, ءوزارا ءتيىمدى ەكونوميكالىق جانە گۋمانيتارلىق قارىم-قاتىناس الدا دا دامي بەرەدى دەگەن سەنىمدەمىن», – دەپ جازادى اۆتور.
سانكت-پەتەربۋرگ گۋبەرناتورى گ.پولتاۆچەنكو بۇگىندە قازاقستاننىڭ قۋاتتى, قارقىندى دامىپ كەلە جاتقان مەملەكەت ءارى رەسەي فەدەراتسياسىنىڭ سەنىمدى سەرىكتەسى ەكەنىنە نازار اۋدارعان.
«قازاقستان رەسپۋبليكاسىمەن ىنتىماقتاستىق سانكت-پەتەربۋرگ ۇكىمەتى جۇمىسىنىڭ باسىمدىعى بار باعىتىنىڭ ءبىرى بولىپ سانالادى. ءبىز ساۋدا-ەكونوميكالىق, عىلىمي-تەحنيكالىق, مادەني جانە گۋمانيتارلىق سالالارداعى قالىپتاسقان دوستىق سيپاتىنداعى ءارى سىندارلى ديالوگتى جوعارى باعالايمىز. پەتەربۋرگ باستامالارىنا دەگەن ءسىزدىڭ وڭ ىقىلاسىڭىز بەن قولداۋىڭىز بىرلەسكەن جوبالاردى جۇزەگە اسىرۋدا جوعارى ناتيجەلەرگە جەتۋگە كەپىلدىك بەرەدى», – دەپ جازادى اۆتور.
قىزىلوردا وبلىسىنىڭ بايقوڭىر قالالىق اكىمشىلىگىنىڭ باسشىسى مىندەتىن اتقارۋشى ا.پەترەنكو نۇرسۇلتان نازارباەۆتىڭ كورەگەن ءارى سىندارلى ساياساتىنىڭ, قاجىرلى ەڭبەكقورلىعى مەن ستراتەگيالىق ويلاۋ قابىلەتىنىڭ ارقاسىندا قازاقستان جەر جۇزىندەگى ەڭ باقۋاتتى جانە قارقىندى دامۋشى ەل بولىپ سانالاتىنىن اتاپ وتكەن.
«سايلاۋ ناتيجەلەرى وتانداستارىڭىزدىڭ سىزگە دەگەن سەنىمىنىڭ ەڭ جوعارى دەڭگەيىن كورسەتتى. ءسىز كوپ جىلدار بويى ەلدىڭ مەملەكەتتىك جانە ساياسي كوشباسشىسى, جالپىادامزاتتىق قۇندىلىقتاردىڭ, بەيبىتشىلىكتىڭ, حالىقتار دوستىعى مەن شىنايى دەموكراتيانىڭ ساقتاۋشىسى بولىپ كەلەسىز. بايقوڭىر تۇرعىندارى ءسىزدىڭ قالامىزعا دەگەن قامقورلىعىڭىزدى جوعارى باعالايدى جانە ەرتەڭگى كۇنگە دەگەن سەنىمدى سەزىنەدى», – دەپ اتاپ وتىلگەن قۇتتىقتاۋدا.
«رجد» ااق پرەزيدەنتى ۆ.ياكۋنين قازاقستان پرەزيدەنتىنىڭ ەۋرازيالىق ەكونوميكالىق وداق قۇرۋعا باعىتتالعان جۇيەلى ساياساتى وعان قاتىسۋشى مەملەكەتتەردىڭ ىقپالداستىعىن تەرەڭدەتۋ ءۇشىن شىنايى الاڭ قالىپتاستىرۋعا مۇمكىندىك بەرگەنىن ايتقان.
«قازاقستاندىقتار ەل باسشىلىعىن سىزگە تاعى دا سەنىپ تاپسىردى. بۇل ء–سىزدىڭ ەل پرەزيدەنتى لاۋازىمىنداعى ەڭبەگىڭىزدىڭ داۋسىز مويىندالۋىنىڭ ايعاعى. قازاقستان رەسپۋبليكاسى بۇرىنعىسىنشا رەسەيدىڭ سەنىمدى سەرىكتەسى, تاتۋ كورشىسى جانە ادال دوسى بولىپ قالاتىنىنا سەنىمدىمىن», – دەپ جازادى اۆتور.
كەڭەس جانە رەسەي جوعارى وقۋ ورىندارى تۇلەكتەرىنىڭ ەگيپەت قاۋىمداستىعىنىڭ توراعاسى ش.گەد سوڭعى جىلدارى قازاقستان بىرقاتار ماڭىزدى رەفورمالار جاساپ, جاڭا ەلوردا – استانانى سالعانىن, سونداي-اق جاپپاي قىرىپ-جوياتىن قارۋدى تاراتپاۋ سالاسىندا ماڭىزى زور باستامالار كوتەرىپ كەلە جاتقانىن ايتادى. ول سونداي-اق نۇرسۇلتان نازارباەۆتىڭ ارقاسىندا قازاقستاننىڭ الەمدەگى دامىعان 30 ەلدىڭ قاتارىنا قوسىلۋ ماقساتى قازىردىڭ وزىندە شىنايى سيپات الا باستاعانىنا توقتالعان.
ماسكەۋ مەملەكەتتىك حالىقارالىق قاتىناستار ينستيتۋتىنىڭ رەكتورى, رعا اكادەميگى ا.توركۋنوۆ نۇرسۇلتان نازارباەۆتىڭ دانا باسشىلىعىمەن قازاقستان الەۋمەتتىك-ەكونوميكالىق كورسەتكىشتەرىن ەداۋىر جاقسارتىپ قانا قويماي, يننوۆاتسيالىق دامۋ جولىنا دا باتىل تۇسكەنىنە نازار اۋدارعان.
«سايلاۋ ناتيجەسى قازاقستان حالقى وزگەرىستەردى وڭ باعالايتىنىن, سىزگە سەنىم ارتاتىنىن جانە ەل تاتۋلىق, تۇراقتىلىق جانە گۇلدەنۋ باعىتىندا ىلگەرىلەپ بارا جاتقانىنا سەنىمدى ەكەنىن تاعى دالەلدەدى. سىزگە وتانىڭىزدىڭ يگىلىگى جولىنداعى قىزمەتىڭىزدىڭ جەمىستى بولۋىن تىلەيمىن», – دەلىنگەن جەدەلحاتتا.
ماسكەۋ دراما تەاترىنىڭ جەتەكشىسى ا.دجيگارحانيان جىلى لەبىزدى قۇتتىقتاۋىن جولدادى.
«ءسىز – ۇلى ەلدىڭ ۇلى باسشىسىسىز. ءسىز ەڭ كۇردەلى, كوپقىرلى مىندەتتەردى ەڭسەرە الاسىز. ءسىزدىڭ اينالاڭىزعا ادامداردى تارتىپ, دوستارىڭىزدىڭ, ۇزەڭگىلەستەرىڭىز بەن پىكىرلەستەرىڭىزدىڭ قاتارىن كەڭەيتەتىن جاسامپاز قۋاتىڭىزدىڭ ۇزاق جىلدار بويى ساقتالۋىن شىن جۇرەكتەن تىلەيمىن», – دەپ جازادى اۆتور.
«يتار-تاسس» راا باس ديرەكتورى س.ميحايلوۆ نۇرسۇلتان نازارباەۆتىڭ باي ءارى جان-جاقتى تاجىريبەسى, كاسىبيلىگى مەن باسقارۋشىلىق ماشىعى قازاقستاندى دامىتۋ مەن گۇلدەندىرۋگە باعىتتالعان جاڭا يدەيالار مەن ءتيىمدى شەشىمدەردى ومىرگە اكەلۋدىڭ كەپىلى بولاتىنىنا سەنىمدىلىك بىلدىرگەن.
سونداي-اق, كۋرسك وبلىسىنىڭ گۋبەرناتورى س.ميحايلوۆ, «استانالار مەن ءىرى قالالار حالىقارالىق اسسامبلەياسىنىڭ» پرەزيدەنتى مىندەتىن اتقارۋشى, ورىنبور قالاسىنىڭ باسشىسى يۋ.ميششەرياكوۆ, رف مەملەكەتتىك دۋماسى فەدەرالدىق جينالىسىنىڭ دەپۋتاتى, گەنەرال ب.گروموۆ, رەسەيلىك مەملەكەت قايراتكەرى پ.بورودين جانە ءنوۆوسىبىر تۇرعىنى ن.پەنزيۋر ءوز قۇتتىقتاۋلارى مەن تىلەكتەرىن جولداعان.
م.ۆ.لومونوسوۆ اتىنداعى ممۋ قازاقستانداعى فيليالىنىڭ ديرەكتورى ا.سيدوروۆيچ مەملەكەت باسشىسىن وقۋ ورنى ۇجىمىنىڭ اتىنان قۇتتىقتاپ, ونىڭ حالىقارالىق ارەناداعى جانە بۇكىل ەل ازاماتتارى الدىنداعى بەدەلى بيىك ەكەنىن اتاپ وتكەن.
«ءسىزدىڭ باستاماڭىزدىڭ ارقاسىندا ممۋ-دىڭ قازاقستان فيليالى دامىپ, ءسىزدىڭ سەنىمىڭىزدى اقتاپ كەلەدى. ءبىز ءسىزدى ۇياتقا قالدىرمايتىنىمىزعا جانە دانا باسشىلىعىڭىزبەن جاڭا كەزەڭگە اياق باسقان ەلدىڭ دامۋىنا قوسار ۇلەسىمىزدى ەسەلەي بەرەتىنىمىزگە سەندىرەمىز», – دەپ جازادى اۆتور.
قازاقستان-امەريكا ەركىن ۋنيۆەرسيتەتىنىڭ پرەزيدەنتى ە.مامبەتقازيەۆ قازاقستاندىقتاردىڭ نۇرسۇلتان نازارباەۆقا دەگەن سەنىمىنىڭ اقتالعاندىعىن ايتا كەلىپ, ۇجىم اتىنان شىن جۇرەكتەن شىققان قۇتتىقتاۋىن جەتكىزگەن.
«كوپەتنوستى رەسپۋبليكا حالقىنىڭ يگىلىگى جولىنداعى جاسامپاز قىزمەتىڭىز ارقاشان ءسىز ءۇشىن باقۋاتتىلىقتىڭ, ۇزاق ءومىردىڭ, تاۋەلسىز قازاقستاننىڭ وركەندەۋىندەگى, حالىقارالىق بەدەلىنىڭ نىعايۋىنداعى بۇدان ارعى جەتىستىكتەردىڭ سارقىلماس قۋات كوزىنە اينالا بەرسىن», – دەلىنگەن قۇتتىقتاۋدا.
الماتىنىڭ «قايرات» فۋتزال كلۋبىنىڭ پرەزيدەنتى ق.ورازبەكوۆ ءوز قۇتتىقتاۋىندا كلۋبتىڭ ەۋروپا ارەناسىنداعى تابىسى بارشا وتانداستارعا تاماشا تارتۋ بولارىنا سەنىم بىلدىرگەن.
«ءبىز ۋەفا كۋبوگىنىڭ اقتىق ويىنىندا كاتالوندىق «بارسەلونادان» 3:2 ەسەبىمەن باسىم تۇسكەن جەڭىسىمىزدى قۋانىشتى كوڭىلمەن وسى جالپىۇلتتىق مەرەكەگە ارنايمىز», – دەلىنگەن حاتتا.
ناگانودا وتكەن قىسقى وليمپيا ويىندارىنىڭ قولا جۇلدەگەرى ل.پروكاشەۆا پرەزيدەنتتىڭ سايلاۋداعى كۇمانسىز ءارى ايقىن جەڭىسى بارشا قازاقستاندىقتاردىڭ تاڭداعان ساياسي باعىتتىڭ دۇرىستىعىنا دەگەن تەرەڭ سەنىمىنىڭ جەمىسى ءارى بۇكىل حالىقتىق سەنىمنىڭ كورىنىسى ەكەنىن اتاپ وتكەن.
«ءبىز مەملەكەتىمىزدى ءسىز باستاپ كەلە جاتقان جولدا ەلدىڭ كەزەكتى ساياسي جانە ەكونوميكالىق جەڭىستەرىنىڭ قاتارى تولىعاتىنىنا سەنەمىز. ءبىز سىزگە سەنەمىز, قازاقستانعا سەنەمىز, جارقىن بولاشاعىمىزعا سەنەمىز», – دەلىنگەن قۇتتىقتاۋدا.
ءوز قۇتتىقتاۋلارىن الماتى كوپىر كونسترۋكتسيالارى زاۋىتىنىڭ ۇجىمى دا جولداپ, نۇرسۇلتان نازارباەۆتىڭ باسشىلىعىمەن عانا ەلدىڭ كەز كەلگەن قيىندىق پەن اۋىرتپالىقتى ەڭسەرە الارىنا, جاڭا بيىكتەرگە جەتەرىنە, سونداي-اق رەسپۋبليكانىڭ تۇراقتىلىعى مەن وركەندەۋىن قامتاماسىز ەتەرىنە سەنىم بىلدىرگەن.
الماتى قالاسىنان «كەلەت» اق پرەزيدەنتى ا.پاپپ ءاربىر قازاقستاندىق نۇرسۇلتان نازارباەۆتىڭ باسشىلىعىمەن تاۋەلسىزدىك جىلدارىندا ەلدىڭ جەتكەن تابىستارىن لايىقتى باعالايتىنىنا سەنىم بىلدىرگەن.
«بۇگىنگى تاڭدا ءبىزدىڭ ەل تاتۋلىق پەن كەلىسىم, ءوزارا قۇرمەت پەن تولەرانتتىلىق نەگىزىندە كوپەتنوستى قوعام قۇرۋدىڭ بىرەگەي ۇلگىسى بولىپ سانالادى», – دەپ جازادى اۆتور.
«كازەنەرگوكابەل» اق باس ديرەكتورى و.كرۋك كاسىپورىن ۇجىمى نۇرسۇلتان نازارباەۆتىڭ جەڭىسى تۋرالى حاباردى تەرەڭ قاناعاتتانۋشىلىقپەن جانە شىنايى قۋانىش سەزىمىمەن قابىلداعانىن اتاپ وتكەن.
«ءسىزدىڭ باسشىلىعىڭىزبەن ەگەمەن, ەكونوميكالىق دامىعان مەملەكەتتىڭ قۇرىلىسى بىزگە تاياۋ ون جىلعا قويىلعان بيىك مىندەتتەردى جۇزەگە اسىرۋ ءۇشىن سەنىمدىلىك پەن كۇش-قۋات بەرەدى. مەملەكەتىمىزدە جاسالعان الەۋمەتتىك-ەكونوميكالىق, قۇقىقتىق جاعدايلاردىڭ, ينۆەستيتسيالىق كليماتتىڭ ارقاسىندا ءبىز بالالارىمىزدىڭ بولاشاعى جارقىن بولاتىنىنا, بيزنەسىمىز بەن ەلدىڭ گۇلدەنەتىنىنە سەنىمدىمىز», – دەپ جازادى اۆتور.
الماتىداعى «اقساي» نتك» جشس ۇجىمى اتىنان العىس بىلدىرگەن كاسىپورىننىڭ باس ديرەكتورى و.سامارەنكو قازاقستان پرەزيدەنتىنىڭ سايلاۋداعى داۋسىز جەڭىسى بارشا قازاقستاندىقتار ءۇشىن ورتاق جەڭىس بولعانىنا نازار اۋدارادى.
«سايلاۋ ەل تۇرعىندارىنىڭ تەڭدەسسىز بەلسەندىلىگىن تانىتتى. بۇل ءاربىر قازاقستاندىقتىڭ وزىنە دەگەن مەملەكەت قامقورلىعى مەن قولداۋىن سەزىنەتىندىگىنىڭ ايشىقتى ايعاعى بولىپ سانالادى. ءسىز تاڭداعان باعىت ەلىمىزدى الەمنىڭ ەڭ دامىعان جانە تابىستى مەملەكەتتەرى دەڭگەيىنە جەتكىزەرىنە سەنىمدىمىز», – دەلىنگەن جەدەلحاتتا.
پاۆلودار وبلىسى شارباقتى اۋدانىنداعى «پوبەدا» جشس ديرەكتورى ا.پولياكوۆ نۇرسۇلتان نازارباەۆتىڭ جەڭىسى تاۋەلسىز قازاقستاننىڭ بۇدان كەيىنگى تاريحى ءۇشىن تاعدىرشەشتى وقيعاعا اينالعانىن اتاپ وتكەن.
«ءسىزدىڭ قازاقستاننىڭ بولاشاعىنا قاتىستى بولجامىڭىزدىڭ دۇرىستىعىن ءومىر كورسەتىپ وتىر. ەلىمىز شىنىندا دا زاماناۋي ءارى وركەندەۋ ۇستىندەگى, حالىقارالىق ارەنادا بەدەلى بار مەملەكەتكە اينالدى. ءسىزدىڭ دانا باسشىلىعىڭىزبەن رەسپۋبليكا زور وزگەرىستەردى جۇزەگە اسىرا الادى. بۇگىندە اۋىل جۇرتىندا ءوز ەلىنىڭ بولاشاعىنا بەرىك سەنىم بار. ءبىز, اۋىلشارۋاشىلىق تاۋارىن وندىرۋشىلەر, «بيزنەستىڭ جول كارتاسى-2020» باعدارلاماسىنىڭ تابىستى ورىندالۋى ءۇشىن بار كۇش-جىگەرىمىزدى سالامىز, – دەپ جازادى اۆتور.
ءوز قۇتتىقتاۋىندا س.تەرەششەنكو قازاقستان حالقى سەنىمدى دوستىڭ جانە سەرىكتەستىڭ ۇلگىسىن تانىتىپ, مەملەكەت باسشىسىنىڭ سوڭىنان ەرىپ كەلە جاتقانىن, جالپىحالىقتىق داۋىس بەرۋ ناتيجەسى سونى دالەلدەيتىن اتاپ وتكەن.
تۇركى اكادەمياسىنىڭ پرەزيدەنتى د.قىدىرالى نۇرسۇلتان نازارباەۆ تۇركى ەلدەرى ىقپالداستىعىنىڭ باسىندا تۇرعانىن ايتا كەلىپ, دەنساۋلىق پەن باقۋاتتىلىق تىلەگەن.
ەڭبەك ارداگەرى, قاراعاندى قالاسىنىڭ قۇرمەتتى ازاماتى س.دوسماعامبەتوۆ پرەزيدەنت سايلاۋى نۇرسۇلتان نازارباەۆتىڭ قانداي جالپىحالىقتىق سۇيىسپەنشىلىككە جانە قولداۋعا يە ەكەنىن بۇكىل الەمگە كورسەتكەنىن ايتادى.
استانادان روگالەۆتەر وتباسى ەلدەگى بارلىق ساياسي جانە ەكونوميكالىق وزگەرىستەر تەك قازاقستان پرەزيدەنتىنىڭ ەسىمىمەن بايلانىستىرىلاتىنىنا نازار اۋدارعان.
«ءسىز باسقارعان جىلدارى قازاقستان قۋاتتى دا قارقىندى دامۋ ۇستىندەگى مەملەكەتكە اينالدى. ءسىز مەملەكەتشىلدەردىڭ تۇتاس ءبىر شوعىرىن تاربيەلەدىڭىز, ءبىزدى بۇكىل الەم بىلەدى جانە قۇرمەتتەيدى, ال ەڭ باستىسى – ءسىز كوپ ۇلتتى قازاقستان حالقىنىڭ تاتۋلىعىن, تىنىشتىعىن جانە دوستىعىن ساقتاي وتىرىپ, ونى جاسامپازدىق پەن وركەندەۋ جولىمەن باستاپ كەلەسىز», – دەلىنگەن جەدەلحاتتا.
سونداي-اق, نۇرسۇلتان نازارباەۆتى پرەزيدەنت سايلاۋىنداعى ايقىن جەڭىسىمەن قوستاناي قالاسىنان سوتسياليستىك ەڭبەك ەرى ك.دونەنباەۆا, قازاقستاننىڭ حالىق ءارتىسى س.تىنىشتىعۇلوۆا, م.ايتحوجين اتىنداعى مولەكۋليارلىق بيولوگيا ينستيتۋتىنىڭ ديرەكتورى, اكادەميك ن.ايتحوجينا, قىزىل جارتى اي قوعامىنىڭ پرەزيدەنتى ە.ارعىمباەۆ, استانا قالاسىنان پروفەسسور د.ءماسىمحان ۇلى, اقمولا وبلىسى ستەپنوگور قالاسىنداعى حالىقتىق حور ۇجىمى, استانا قالاسىنان ەڭبەك ارداگەرى ز.قادىروۆا, الماتى وبلىسى كوكسۋ اۋدانى مامبەت اۋىلىنان بيكەشەۆتەر وتباسى, پاۆلودار وبلىسىنىڭ قۇرمەتتى ازاماتى ءا.سارقىنشاقوۆ, «رىسباەۆا جانە ك» جشس ديرەكتورى س.رىسباەۆا, تاراز قالاسىنان ر.تاتتىعۇلوۆ, جامبىل وبلىسىنان ە.ءنابي, اقمولا وبلىسى قوسشى اۋىلىنىڭ تۇرعىنى ف.عيبادۋلينا, وڭتۇستىك قازاقستان وبلىسى جەتىساي قالاسىنان ا.جولبارىسوۆ قۇتتىقتادى.
سۋرەتتەردى تۇسىرگەن ەرلان وماروۆ.
