وسى جىلدىڭ 5-6 قىركۇيەگىندە قاراعاندى تەحنيكالىق ۋنيۆەرسيتەتى بازاسىنداعى «جاستار الەمى» سارايىنىڭ ءماجىلىس زالىندا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن, «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, اقپاراتتىق ءتۇسىندىرۋ توبىنىڭ مۇشەلەرى جانە ت.ب ماماندارى, يمامدار, پسيحولوگتار, تەولوگتار قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى جانە پەداگوگيكا جانە پسيحولوگيا مامانى تۋيگانوۆ مىرزابەك سارداربەكوۆيچ سەمينار وقىدى.
جيىندا نەيرولينگۆيستيكالىق باعدارلامالاۋ مامانى سەيتقالي ميرزادا شاحمان ۇلى «وراتورسكوە ماستەرستۆو: يسكۋسستۆو پۋبليچنىح ۆىستۋپلەني» تاقىرىبىندا سويلەۋ تەحنيكاسىن مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى. سونداي-اق, «ناۆىكي ۆىسوكوەففەكتيۆنىح ليۋدەي» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى.
سونىمەن قاتار, جيىن بارىسىندا پەداگوگيكا جانە پسيحولوگيا مامانى تۋيگانوۆ مىرزابەك سارداربەكوۆيچ «مەتودى ارگۋمەنتاتسي ۆ پروتيۆودەيستۆي دەسترۋكتيۆنىم رەليگيوزنىم يدەولوگيام» تاقىرىبىندا حالىق اراسىندا دەسترۋكتيۆتى يدەولوگيانىڭ ەنۋىنە قولايلى جاعداي تۋعىزاتىن نەگىزگى سەبەپتەر مەن ولاردىڭ تارالۋىنا قارسى ارەكەت ەتۋ شارالارى تۋرالى ايتىپ كەتتى. سونىمەن قاتار, «فورمى ي مەتودى پروفيلاكتيكي ۆوۆلەچەنيا مولوديوجي ۆ دەسترۋكتيۆنىە رەليگيوزنىە ورگانيزاتسي» تاقىرىبىمەن جاستارعا ءدىني اعىمداردان ساقتانۋ تۋرالى تەرەڭ تۇسىنىك بەرۋ جولدارىن ۇيرەتتى.
سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
