بانك باسشىسى وديل رەنو-باسسو قازاقستان پرەزيدەنتى قاسىم-جومارت توقاەۆپەن كەزدەسۋىندە ەل ۇكىمەتىنىڭ قازاقستانداعى ينۆەستيتسيالىق احۋالدى جاقسارتۋ, 2029 جىلعا قاراي ءىجو-ءنى ەكى ەسەگە ارتتىرۋ ماقساتىندا ەكونوميكالىق رەفورمالاردى جەدەلدەتۋ جونىندەگى باستامالارى جونىندە وڭ پىكىر ءبىلدىردى. رەنو-باسسو حانىم سونداي-اق شەتەلدىك ينۆەستورلار كەڭەسىنىڭ 36-پلەنارلىق وتىرىسىنا قاتىستى.
ەققدب الداعى 5 جىلدا ەلىمىزدىڭ ەنەرگەتيكا جانە كوممۋنالدىق سەكتورىن جاڭعىرتۋ جونىندەگى ۇلتتىق جوباسىنا كەمىندە 2 ميلليارد ەۋرو ينۆەستيتسيالاۋعا دايىن.
ەققدب پرەزيدەنتى جاڭارتىلاتىن ەنەرگيا كوزدەرىن بىرىكتىرۋ ءۇشىن ۇلتتىق جەلى ينفراقۇرىلىمىنا ودان ءارى ينۆەستيتسيا قۇيۋدىڭ ماڭىزدىلىعىن اتاپ ءوتتى جانە بانكتىڭ «باتىس ايماقتى قوسۋ» جوباسىن جۇزەگە اسىرۋ ءۇشىن قازاقستان ەلەكتر جەلىلەرىن باسقارۋ كومپانياسىمەن (KEGOC) جۇمىس ىستەپ جاتقانىن جەتكىزدى.
بانك «سامۇرىق-قازىنا» اق ساتىپ الۋ ەرەجەسىنە, ونىڭ «KEGOC» اق جوباسىنا قولدانۋعا مۇمكىندىك بەرەتىن اشىقتىعىنا وڭ باعا بەردى. ەققدب ستراتەگيالىق ينۆەستيتسيالىق جوبالاردى ىسكە اسىرۋ, قوردىڭ تاۋارلار مەن قىزمەتتەردى ساتىپ الۋ تاجىريبەسىن بانكتىڭ ءتيىستى ەرەجەسىمەن, وسى سالاداعى وزىق الەمدىك تاجىريبەمەن ودان ءارى ۇيلەستىرۋ ءۇشىن «سامۇرىق-قازىنا» كومپانيالار توبىمەن تىعىز جۇمىس ىستەۋدى جالعاستىرماق.
